વાહ! / Amazon શરૂ કરવા જઈ રહ્યું છે ગજબ સર્વિસ, આ મોટી કંપનીઓને પરસેવો છૂટી જશે

ઇકોનોમિક ટાઈમ્સના એક અહેવાલ અનુસાર એમેઝોન ભારતમાં પોતાની ફૂડ ડિલિવરી સર્વિસ શરુ કરવાની તૈયારી કરી રહ્યું છે. મળેલી જાણકારી અનુસાર આ Prime Now સર્વિસનો આ એક ભાગ હશે અને આ નવી સેવાનો લાભ ગ્રાહકોને માર્ચમાં મળી શકે છે.

એમેઝોનના એક પ્રવક્તાએ પબ્લિકેશન સાથે વાતચીત કરતા જણાવ્યું હતું કે અમે ગ્રાહકો સાથે ઇનોવેશનમાં વિશ્વાસ રાખીએ છીએ. આ પ્રતિબદ્ધતાને લીધે અમે અમારા ગ્રાહકો સાથે જોડાવા માટે સતત નવા ક્ષેત્રો અને નવી તકો શોધીએ છીએ. 

અત્યારે કંપની બેંગ્લોરના કેટલાક સીમિત પાર્ટનર રેસ્ટોરન્ટ્સ સાથે કેટલીક ફૂડ ડિલિવરી સર્વિસનું ઇન્ટર્નલ ટેસ્ટિંગ કરી રહી છે. 

નોંધનીય છે કે આ પહેલી વાર નથી જયારે એવા અહેવાલ આવ્યા હોય કે એમેઝોન ભારતમાં પોતાની ફૂડ ડિલિવરી સર્વિસ શરુ કરી રહી છે. ગયા વર્ષે રોઈટર્સના રિપોર્ટ અનુસાર એમેઝોન ભારતમાં પોતાની ફૂડ ડિલિવરી સર્વિસ શરુ કરવા માટે નારાયણ મૂર્તિ સાથે વાતચીત કરી રહ્યું છે. 

કેટલાક જુના અહેવાલોએ પણ એવો દાવો કર્યો છે કે એમેઝોન ફૂડ ડિલિવરી સર્વિસ દિવાળીની આસપાસ શરુ થઇ શકે છે. જો કે હજુ એ નક્કી નથી આ સેવા શરુ થવામાં વાર કેમ થઇ. જો કે હવે થોડા જ સમયમાં આ સેવા શરુ થઇ શકે તેમ છે.