ટેક્નોલોજી / એમેઝોને લોન્ચ કર્યા સ્માર્ટ રીંગ અને સ્માર્ટ ગ્લાસ

સ્માર્ટ રીંગમાં બે માઇક્રોફોન અને ઇકો સ્પીકર મળશે. સ્માર્ટ રીંગ મોબાઇલ સાથે કનેકટ થાય છે.યુઝરના મોબાઇલ પર કોઈપણ પ્રકારનું નોટિફિકેશન આવે કે આ રીંગ વાઇબ્રેટ થાય છે. એટલું જ નહીં એક બટન દબાવતા આ રિંગમાં વોઇસ આસીસ્ટન્ટ એલેક્સા એકટિવેટ થઈ શકશે. 

સ્માર્ટ રિંગથી યુઝર્સ ગૂગલ પર કંઈપણ સર્ચ કરી શકશે.એમેઝોને ઇકો લૂપ એટેલે કે સ્માર્ટ રીંગની કિંમત 129 ડોલર (9,142 રૂપિયા) અને ઇકો ફ્રેમની કિંમત 179 (12,686 રૂપિયા) રાખી છે. જોકે ભારતમાં તે વધુ કિંમતમાં લોન્ચ સ્માર્ટ ગ્લાસમાં પણ યુઝર્સને એલેક્સાનો સપોર્ટ મળશે. 

આ ડિવાઇસનું વજન માત્ર 31 ગ્રામ છે. એમેઝોને સ્માર્ટ ગ્લાસમાં કેમેરા અને ડિસ્પ્લે આપ્યો નથી. ગ્રાહકો એલેક્સા દ્વારા ફોનના ફિચર્સનો ઉપયોગ કરી શકશે. એમેઝોને હાલ તો અમેરિકામાં આ ડિવાઇસ લોન્ચ કર્યા છે. ભારત સહિત અન્ય દેશોમાં આ ડિવાઇસ કયારથી મળતા થશે તેની કોઇ સ્પષ્ટતા કંપનીએ હજુ કરી નથી.

એમેઝોને હવે ઝડપથી પોપ્યુલર થઇ રહેલા બ્લુ ટુથ વાયરલેસ ઇયર ફોનમાં પણ એન્ટ્રી કરીને ઇકો ઇયર બડસ લોન્ચ કર્યા છે. ઇયરબડસ પણ એલેકસાથી ઓપરેટ થઇ શકે છે.અમેરિકામાં તેની સીધી સ્પર્ધા બહુ જ પોપ્યુલર એવા એપલના એરપોડ સાથે થશે. આ ઉપરાંત બોઝ,સોની,સેનહેઝર અને જેબીએલ જવી ખ્યાતનામ કંપનીઓના ઇયરફોન સાથે પણ તેની સ્પર્ધા થશે.