નિર્ણય / Amazonના ફાઉન્ડર જેફ બેજોસે કર્યુ એલાન, તે છોડશે સીઈઓનું પદ, જાણો કોને મળશે આ પોસ્ટ

• ત્રીજા ક્વાર્ટરમાં સીઈઓ પદ છોડી દેશે
• જેફ મહત્વપૂર્ણ અમેઝોનના પાસાઓ સાથે જોડાયેલા રહેશે
• જેસી 1997માં એમેઝોનમાં માર્કેટિંગ મેનેજર તરીકે જોડાયા હતા

ત્રીજા ક્વાર્ટરમાં સીઈઓ પદ છોડી દેશે

એમેઝોનમાં ભાગીદારીના આધાર પર દુનિયાને સૌથી વધારે અમીર વ્યક્તિ જેફ બેજોસે કહ્યું કે તે ત્રીજા ક્વાર્ટરમાં સીઈઓ પદ છોડી દેશે. એમેઝોન વેબ સર્વિસિઝના ચીફ એન્ડી જેસીને સીઈઓ બનાવવામાં આવશે. આ સમાચાર ત્યારે આવ્યા જ્યારે એમેઝોનના નફાના રેકોર્ડ સ્તરમાં વધારો થયો. કેમ કે કોરોના કાળમાં લોકોએ સૌથી વધારે ઓનલાઈન ખરીદી કરી છે.

જેફ મહત્વપૂર્ણ અમેઝોનના પાસાઓ સાથે જોડાયેલા રહેશે

એમેઝોનના કર્મચારીઓને લખેલી એક ચિઠ્ઠીમાં જેફ બેજોસે કહ્યું ક તે મહત્વપૂર્ણ અમેઝોનના પાસાઓ સાથે જોડાયેલા રહેશે. પરંતુ અત્યાર સુધી તેમના પરોપકારી પાસા જેવા કે વન ડે ફંડ અને બેજોસ અર્થ ફંડ ઉપરાંત અંતરિક્ષ અન્વેષણ અને પત્રકારિતા સહિત અન્ય વ્યવસાયિક ઉપક્રમો પર ધ્યાન આપશે.

જેસી 1997માં એમેઝોનમાં માર્કેટિંગ મેનેજર તરીકે જોડાયા હતા

જેફ બેજોસની જગ્યાએ સીઈઓ બનનારા એન્ડી જેસીએ 1997માં એમેઝોનમાં માર્કેટિંગ મેનેજર તરીકે જોઈન કર્યુ અને 2003માં કંપનીના ક્લાઉડ સર્વિસિઝ ડિવીઝન AWSની સ્થાપના કરી. જેફ બેજોસે કહ્યું તે એન્ડીને કંપનીમાં દરેક જાણે છે અને તે એમેઝોનમાં ઘણા સમયથી કામ કરી રહ્યા છે. તે સારા લીડર હશે. મને ભરોસો છે.  

ગેરેજમાં એમેઝોનની સ્થાપના કરી  અને...

57 વર્ષના જેફ બેજોસ 1994માં પોતાના ગેરેજમાં એમેઝોનની સ્થાપના કરી  અને આને એક વેન્ચરમાં વિકસિત કર્યુ જે ઓનલાઈન રિટેલ પર હાવી છે. જેમાં સ્ટ્રીમિંગ મ્યૂઝિક અને ટેલિવીઝન, કરિયાણાના સામાન, ક્લાઉડ કમ્પ્યુટરિંગ, રોબોટિક્સ, આર્ટિફિસિશિયલ ઈન્ટેલિજન્સ અને ઘણુ બધુ છે. અન્ય વ્યવસાયમાં તે ધ વોશિંગ્ટન પોસ્ટ અખબાર અને ખાનગી સ્પેસ ફર્મ બ્લૂ ઓરિજનમાં સામેલ છે.