બ્રાઝિલમાં એમેઝોનનાં જંગલોમાં લાગેલી આગની અસર ૨૦૦૦ કિમી દૂર આવેલાં ગ્લેશિયરો પર પણ પડી રહી છે. એક નવા અભ્યાસમાં દક્ષિણ અમેરિકાની એન્ડિસ પર્વતમાળામાં પણ તેનો પ્રભાવ જોવા મળ્યો છે. સંશોધકોએ જણાવ્યું કે આ કારણે ત્યાંના ગ્લેશિયર ઝડપતી પીગળવાં લાગ્યાં છે.
બ્લેક કાર્બન છે આ માટે જવાબદાર
ધૂળના કારણે બરફની ચમક ઝાંખી પડવાથી પણ હિમ પીગળે છે
સાયન્ટિફિક રિપોર્ટ નામના જર્નલમાં પ્રકાશિત અભ્યાસમાં જાણવા મળ્યું છે કે જંગલોમાં આગ લાગવાથી બાયોમાસ સળગવાથી બનેલા એરોસોલ્સ (બ્લેક કાર્બન)ને હવા પોતાની સાથે ઇન્ડિયન ગ્લેશિયરો સુધી લઇ જઇ રહી છે.
એરોસોલ્સથી પીગળે છે હિમ
સંશોધકોએ કહ્યું કે આ એરોસોલ બરફ પર જમા થાય છે અને ગ્લેશિયરો પીગળવાનો દર વધારી દે છે. બરફની ચાદર પર બ્લેક કાર્બનના કણ પડવાથી ગ્લેશિયરોની ચમક ફિક્કી પડી જાય છે. તેને એલબીડો રિડ્યુસન કહેવાય છે.
ધૂળના કણો ની સાથે સાથે બ્લેક કાર્બનની હાજરી હોવાથી બરફ ઝડપથી પીગળે છે
બ્રાઝિલના રિયો ડી જનેરો સ્ટેટ યુનિવર્સિટીના ન્યૂટન ડી મેગ્લસ નેટો અને તેમના સહયોગીઓએ બોલીવિયાઇ જોંગો ગ્લેશિયર પર એમેઝોન બેસિનના બાયોમાસના સંભવિત પ્રભાવ પર એક મોડલ તૈયાર કર્યું. આ માટે તેમણે વર્ષ ૨૦૦૦થી ૨૦૧૬ સુધી આગ લાગવાની ઘટનાઓ, ધુમાડા, વરસાદ અને ગ્લેશિયરના પીગળવાની ગતિનો અભ્યાસ કરીને એકઠા કરેલા આંકડાઓનો ઉપયોગ કર્યો.
આ દરમિયાન સંશોધકોએ વર્ષ ૨૦૦૭ અને ૨૦૧૦ના આંકડાનું ખાસ ધ્યાન રાખ્યું, કેમ કે એ સમયે એમેઝોનમાં આગ લાગવાની સૌથી વધુ ઘટનાઓ બની હતી. સંશોધકોએ બ્લેક કાર્બનના કારણે સ્નો એલબીડો રિડ્યુસનની પણ તપાસ કરી. આ પહેલા સુધી બરફની ચમક ફિક્કી હોવાના કારણે ધૂળના કણો માનવામાં આવતા હતા. તેના મોડલ પરથી જાણ થઇ કે માત્ર બ્લેક કાર્બન અને ધૂળના કારણે વાર્ષિક ગ્લેશિયર પીગળવાના દરમાં ૩થી ૪ ટકાનો વધારો થાય છે. જો આ બંને કારણો એકસાથે બને તો બરફ પીગળવાનો દર ૬ ટકા સુધી વધી જાય છે.