એમેઝોનની વેબસાઇટ પરથી મુંબઇના ઓંકાર હનમંતે પોતાની દાદી માટે ફોન ઓર્ડર કર્યો હતો. તેણે નોકિયાના બેઝિક ફોનનો ઓર્ડર આપ્યો હતો. પરંતુ લાંબા સમય સુધી ડિલિવરી મળી ન હતી, જ્યારે વેબસાઇટ પર સ્ટેટસ બતાવી રહ્યું હતું કે ફોન ડિલિવર થઈ ગયો છે.
મુંબઈના એક શખ્સે તેની દાદી માટે એમેઝોનથી ફોન મંગાવ્યો હતો. પરંતુ તેને પાર્સલ મળ્યું ન હતું અને તેની સોસાયટીના ગેટ પરથી ચોરાઇ ગયું હતો. તે ખૂબ ગુસ્સે થયો અને તેણે અમેરિકામાં રહેતા એમેઝોનના સીઈઓ જેફ બેઝોસને સીધો એક ઈ-મેલ લખ્યો.
સારી વાત એ છે કે જેફ બેઝોસે ફક્ત તેના મેઇલ વાંચ્યા જ નહીં, પરંતુ તેણે તરત જ આ સમસ્યાને હલ કરવા માટે એમેઝોનની ટીમને સૂચન કર્યું. એમેઝોનના કર્મચારીઓએ થોડા દિવસમાં જ તે વ્યક્તિનો સંપર્ક કર્યો અને તેની સમસ્યા હલ કરી.
આ છે આખી ઘટના
આ છે મુંબઈના ઓમકાર હનમંતેની વાર્તા. તેણે એમેઝોનની વેબસાઇટ પરથી પોતાની દાદી માટે ફોન ઑર્ડર કર્યો હતો. તેણે નોકિયાના મૂળ ફોનનો ઓર્ડર આપ્યો. પરંતુ તેમને ઘણા દિવસોથી ડિલિવરી મળી ન હતી. જ્યારે વેબસાઇટ પર સ્થિતિ બતાવવામાં આવી રહી હતી કે ફોન પહોંચાડવામાં આવ્યો છે.
આ બેઝોસને લખેલા પત્રનો એક ભાગ છે
આ બેઝોસને લખેલા પત્રનો એક ભાગ છે. પત્ર અંગ્રેજીમાં હતો પણ અમે તમને ગુજરાતીમાં કેટલાંક અંશ જણાવી રહ્યાં છીએ.
હાય જેફ,
તમે મજામાં છો એવી આશા છે.
હું તમારી કસ્ટમર સર્વિસ અને ડિલિવરી સિસ્ટમથી ખૂબ નિરાશ છું. મેં એમેઝોનથી જે ફોનનો ઓર્ડર આપ્યો છે તે મને પહોંચાડ્યો ન હતો અને તે મારા સોસાયટીના ગેટ પર રાખ્યો હતો, જે ત્યાંથી ચોરાયો હતો. મને આ ડિલિવરી માટે કોઈ ફોન પણ આવ્યો ન હતો.
રસપ્રદ વાત તો એ છે કે તમારી કસ્ટમર સર્વિસ ટીમ હંમેશાં એક જ જવાબ આપે છે કે તપાસ ચાલુ છે, જાણે કે હું બૉટ (મશીન) સાથે વાત કરું છું.
પેકેટ ચોરાઇ ગયું હતું
જ્યારે આ મામલાની તપાસ કરવામાં આવી ત્યારે સીસીટીવી ફૂટેજમાં દેખાયું કે ડિલિવરી મેન ઓંકારને આપવાને બદલે એન્ટ્રી ગેટ પર પાર્સલ છોડીને ગયો હતો. આ પછી, એક શખ્સ આ ફોન ચોરીને ત્યાંથી જતો જોવા મળે છે.
મહત્વનું છે કે વિશ્વની સૌથી ધનિક વ્યક્તિ, એમેઝોનના સ્થાપક અને સીઈઓ જેફ બેઝોસ પોતે દરેક ઈ-મેલ જોઈ નહીં શકતા હોય. પરંતુ એ સારી વાત છે કે આવા જરૂરી ઈમેલ જોઈ લે છે અને જવાબ પણ આપે છે.
જેફ બેઝોસે એક મુલાકાતમાં જણાવ્યું હતું કે તે હજી પણ તેમના ગ્રાહકોનો મેઇલ વાંચે છે. જો તેઓ સીધો જવાબ આપી શકતા નથી તો તેને સંબંધિત વિભાગને મોકલી આપે છે.