'શાદી કે સાઇડ ઇફેક્ટ' છૂટાછેડા બાદ જેફ બીઝોસ નહી રહે વિશ્વનો ધનિક No. 1

દુનિયાનો સૌથી અમીર વ્યકિત અને એમેઝોનનો માલિક જેફ બીઝોસ અને તેની પત્ની મેકેન્ઝી 25 સુધી સાથે રહ્યા પછી અલગ થઇ રહ્યા છે. બન્ને એક બીજાને કેટલો પ્રેમ કરે છે તે માત્ર તેમની લવ સ્ટોરી જ નહીં પણ છૂટાછેડાના ટ્વીટની જાહેરાતમાં પણ જોવા મળે છે. બંનેએ કહ્યુ કે ''તેઓ અલગ થવા જઈ રહ્યા છે પણ દોસ્તી અને પ્રેમ યથાવત રહેશે.''

કહેવાય છે કે દરેક સફળ વ્યકિત પાછળ એક મહિલાનો હાથ હોય છે. જેફ બીઝોસ પણ તેમાં અપવાદ નથી. તેમના પત્ની મેકેન્ઝી બીસોઝ ડગલને પગલે સાથે આપ્યો અવને  આજે જેફ જ જગ્યાએ પહોંચ્યા છે તેમાં પત્નીનો મોટો હાથ છે.

કંઇક આ રીતે થઇ હતી મુલાકાત:

90ના દાયકામાં જેફ અને મેકેન્ઝીની પહેલી મુલાકાત રોકાણ મેનેજર કંપની DE Shaw દ્વારા થઈ. જેફ અહીં વાઈસ પ્રેસિડેન્ડ હતા અને મેકેન્ઝી રિસર્ચ એસોસિયેટ. જેફે જ મેકેન્ઝીનો પહેલો ઈન્ટર્વ્યુ હતો. જેફે એક વખત કહ્યું કે તે ભાગ્યશાળી છે કે પોતાની પત્ની જોતા પહેલા તેનો રેઝ્યૂમી જોયો હતો.બન્ને નોકરીમાં સાથે હતા તેના થોડા દિવસ પછી બન્ને પાડોશી બન્યા. આ પછી બંને વચ્ચે ફ્રેન્ડશીપ વધારે સારી બની. મેકેન્ઝીએ વોગને કહ્યું હતું “હું આખો દિવસ તેનું સુંદર હાસ્ય સાંભળતી હતી આ હાસ્યથી કોઇને કઇ રીતે પ્રેમ ના થાય?'' સામાન્ય રીતે છોકરાઓએ પહેલ કરવી પડતી હોય છે પણ અહીં સ્ટોરી અલગ છે. મેકેન્ઝીએ પહેલું પગલું ભર્યું હતું અને જેફને લંચ માટે આમંત્રણ કર્યુ. બન્ને એક-બીજાની સાથે એટલું પસંદ પડ્યું કે ત્રણ મહિનાની અંદર બંનેની સગાઇ થઇ અને 6 મહિના પછી લગ્નના તાંતણે બંધાઇ ગયા.

બોઝીસની સંપત્તિમાં થશે ઘટાડો:

આ દંપતીએ પોતાના છૂટાછેડા કેટલી રકમમાં સેટલ કર્યા છે તે વિગતો બહાર આવી નથી. ‘બ્લૂમબર્ગ’ના આંકડા પ્રમાણે અત્યારે જેફની સંપત્તિ 137 અબજ ડૉલર છે. જો તેઓએ પોતાની સંપત્તિના સરખા ભાગ પાડવાનું નક્કી કર્યું હશે તો જેફ બેઝોસની સંપત્તિમાં ધરખમ ઘટાડો થશે. એ રીતે જોતાં મેકકેન્ઝીના ભાગે 67થી 69 અબજ ડૉલર આવશે. જો એવું થશે તો મેકકેન્ઝી ટુટલ વિશ્વની સૌથી ધનિક મહિલા બની જશે. જ્યારે બિલ ગેટ્સ ફરી પાછા વિશ્વની સૌથી ધનિક વ્યક્તિનું પદ હાંસલ કરી લેશે.