કોફીનો ઉપયોગ આપણામાંના ઘણા મૂડ ફ્રેશ કરવા માટે કે રીલેક્સ થવા માટે કરીએ છીએ. આજે અમે આપને ઘરમાં પડી રહેલી કોફીના એવા યૂઝ જણાવી રહ્યા છીએ કે જેની મદદથી તમે અન્ય અનેક કામ પણ સરળતાથી કરી શકો છો.
નહીં જાણતા હોવ કોફીના આ ઉપયોગ
આજે જ ટ્રાય કરો કોફીના કમાલના ઉપયોગ
અનેક કામ સરળ કરવાની સાથે આપશે પરફેક્ટ રીઝલ્ટ
અનેક લોકો દિવસની શરૂઆત કોફી સાથે કરે છે. તેમાં પણ અનેક ફ્લેવર તેમની ખાસ હોય છે. પણ શું તમે જાણો છો કે આ કોફીનો ઉપયોગ તમે અન્ય અનેક કામને સરળ કરવામાં કરી શકો છો. તેનાથી તમે હેર કેરની સાથે સાથે કીડીઓને પણ ભગાડી શકો છો. તો જાણો કોફીના કમાલના ઉપયોગ.
ગાજરની વાવણી કરતી સમયે બીજ વાવતા પહેલાં કોફીના બીન્સ નાંખી દો. તેનાથી ગાજરનું ઉત્પાદન વધશે.
કોફીની સાથે નારંગીના છોતરાં રાખશો તો બિલાડી આવશે નહીં. તમે ઇચ્છો તો ગાર્ડનમાં આ ઉપાય ટ્રાય કરી શકો છો.
કોફીની સ્મેલથી કીડીઓ દૂર ભાગે છે. જો તમે કીડીઓના દર પાસે કોફી નાંખો છો તો તે કારગર નીવડે છે.
કોફી ખાતરનું પણ કામ કરે છે. તે માટીની ઉત્પાદન ક્ષમતા વધારે છે. તેમાં પોટેશિયમ, મેગ્નેશિયમ, કોપર અને ફોસ્ફરસનું પ્રમાણ વધારે રહે છે.
વાળમાં ચમક લાવવા કોફીનું પાણી કરો. પાંચ મિનિટ ઉકાળો અને ઠંડુ પડવા દો. તેને ધોયેલા વાળ પર 20 મિનિટ લગાવો. શાઇનિંગ આવશે અને કલર પણ દેખાશે.
વાસણમાં લસણના ડાઘ કે ઇંડાના ડાઘ લાગ્યા હોય તો તેને કોફી પાવડર છાંટીને સાફ કરો. આ સિવાય ગંદા વાસણ પણ જલ્દી સાફ થશે.
કારની દુર્ગંધ દૂર કરવા તેમાં કોફી બીન્સનો ભૂકો કરીને એક ઓપન કન્ટેનરમાં રાખો. થોડીવારમાં તે બેડ સ્મેલ શોષી લેશે.
ઇયરબર્ડને પાણીવાળા કોફી પાવડરમાં મિક્સ કરો. તેને ફર્નિચર પર સ્ક્રેચ પડ્યા હોય ત્યાં લગાવો. સ્ક્રેચ દેખાશે નહીં.
કોફી સ્કીન માટે સારી માનવામાં આવે છે. તેને તમે ફેસ માસ્ક તરીકે ઉપયોગમાં લઈ શકો છો. તેનો ઉપયોગ ફેસ પર કરી શકાય છે.
ફ્રિઝની બેડ સ્મેલને દૂર કરવામાં તમે કોફીનો ઉપયોગ કરી શકો છો. બ્લેક કોફીને ફ્રિઝમાં રાખી લો. તેની સ્ટ્રોન્ગ સ્મેલ બદબૂ દૂર કરી દેશે.