ઠંડીની સીઝન હેલ્થ માટે ખૂબ જ સારી માનવામાં આવે છે. આ સીઝનમાં ભૂખ પણ સારી લાગે છે. જો આ સીઝનમાં ખાણીપીણી પર પૂરતું ધ્યાન આપવામાં આવે તો તમે આ સીઝનનો ભરપૂર લાભ ઉઠાવી શકો છો. આ સીઝનમાં ખાધેલું આખુ વર્ષ ચાલે છે એવું કહેવાય છે. આરોગ્યપ્રદ રહેવા માટે કેટલોક ખોરાક ખાવો પણ જરૂરી છે. ગુંદરના લાડુ શિયાળામાં ખવાતી આવી જ એક વસ્તુ છે. તેનું સેવન કરવાથી શરીર અને સ્વાસ્થ્ય કેટલાક અદભુત લાભ થાય છે. જેના વિશે આજે અમે તમને જણાવીશું.
ઠંડીની સીઝનમાં ગુંદરના લાડુનો સૌથી મોટો ફાયદો એ છે કે તે શરીરમાં આવશ્યક ગરમી જાળવી રાખે છે. સવારના સમયે તેનું સેવન ફાયદાકારક છે
ઠંડીમાં ગુંદરનું સેવન સાંધાના દુખાવા અને સાંધાની અન્ય સમસ્યાઓ માટે પણ લાભદાયક છે.
રોજ સવારે ગુંદરના લાડુ સાથે દૂધનુ સેવન કરવાથી તમે બીમારીમાંથી બચી જશો અને તમારી રોગપ્રતિકારક શક્તિ વધશે.
ગર્ભવતી મહિલાઓ માટે તેનું સેવન લાભદાયક છે. તે સમયે કરોડરજ્જૂ નબળી હોય છે ગુંદર ખાવાથી હાડકા મજબૂત થાય છે, વળી તે માતાનું દૂધ વધારવામાં પણ લાભકારી છે.
તે હાડકા મજબૂત કરે છે અને માંસપેશીઓને મજબૂત કરીને તેને ફ્લેક્સિબલ રાખે છે. ખાસ કરીને કરોડરજ્જૂ માટે તેનું સેવન લાભદાયક છે.
રોજ ગુંદરનું સેવન કરવાથી હાર્ટ એટેક આવવાનો ખતરો ઘટે છે. હાર્ટ સંબંધિત અન્ય રોગો માટે પણ તે ફાયદાકારક છે.
શરીરની નબળાઇને દૂર કરવા માટે પણ ગુંદર લાભદાયક છે. તે થાક, ચક્કર આવવા, માઇગ્રેન જેવી સમસ્યાઓને દૂર કરે છે.
કબજિયાતના દર્દીઓ માટે ગુંદરનું સેવન દવાની ગરજ સારે છે. દિવસમાં એક વાર તેના સેવનથી તમારી સમસ્યાઓ દૂર થઇ શકે છે.
મહિલાઓમાં પીરિયડ્સ સંબંધિત સમસ્યાઓ, ડિલીવરી બાદ આવનારી નબળાઈઓ, લ્યુકોરિયા અને અન્ય સમસ્યાઓને પણ તે ઠીક કરે છે.
શરીરમાં લોહીની કમીને દૂર કરવા ગુંદરન લાડુ કે પંજીરીનું સેવન કરવામાં આવે છે.