આમ તો લોકો મખાણાને સ્વાદ માટે ખાતાં હોય છે. પરંતુ શું તમે જાણો છો કે નાનકડા મખાણા આપણાં સ્વાસ્થ્ય માટે કેટલા ફાયદાકારક છે અને તેનાથી ઘણાં બધી સ્વાસ્થ્ય સમસ્યાઓમાં આરામ મળે છે. રોજ એક મુઠ્ઠી મખાણા ખાઈ લેવાથી અઢળક ફાયદા મળે છે.આમાં પ્રોટીન, કેલ્શિયમ, કાર્બોહાઈડ્રેટ, ફાયબર, મેગ્નેશિયમ, ફોસ્ફરસ, આયર્ન, ઝિંક, પોટેશિયમ સારી માત્રામાં હોય છે. પોતાના આ ગુણોના કારણે મખાણાને સુપરફૂડ માનવામાં આવે છે.
સુપરફૂડ છે મખાણા
રોજ ખાવાથી મળે છે ગજબ ફાયદા
અનેક રોગોને દૂર રાખે છે મખાણા
મખાણાના સેવનથી તણાવ ઓછો થાય છે, તેમજ ઊંઘ સારી આવે છે. રાતના સૂતી વખતે દૂધ સાથે એક મુઠ્ઠી મખાણા ખાવાથી અનિંદ્રાની સમસ્યા દૂર થાય છે. તે શીઘ્રપતનતી બચાવે છે અને કામેચ્છા પણ વધારે છે.
મખાણા કેલ્શિયમથી ભરપૂર હોય છે માટે તેનાથી સાંધાના દુખાવા, આર્થરાઈટિસ વગેરેમાં ફાયદારુપ બને છે. સાથે જ તેનું સેવન કરવાથી શરીરના કોઈ પણ અંગમાં દુખાવો હોય જેમ કે કમર કે ઘૂંટણના દર્દમાં સરળતાથી રાહત મળે છે.
હાર્ટના પેશન્ટ, ડાયાબિટીઝના પેશન્ટ, આર્થ્રાઇટીસ, ડાયેરિયા જેવા દરેક રોગમાં મખાણા ખાઈ શકાય. સદાય યુવાન રહેવા માગતા લોકો માટે પણ મખાણા કામની ચીજ છે.
મખાણા કસરત કરવાની ક્ષમતાને પણ વધારે છે. મખાણામાં ફ્લેવોનૉઇડ નામનું તત્ત્વ હોય છે જે ઇન્ફલેમેશનને ઘટાડે છે અને એજિંગ પ્રોસેસને ધીમી પાડે છે.
મખાણા ખાધા પછી ભૂખ જલદી લાગતી નથી. મખાણામાં ખૂબ ઓછી કેલરી હોવાથી વજન ઘટાડનારા લોકો માટે પણ મખાણા ખૂબ જ લાભકારી છે.
જો તમને કિડની સંબંધી કોઈ સમસ્યા છે તો પણ મખાણા ખાવા તમારા માટે ખૂબ જ સારાં છે. તેમાં એસ્ટ્રીજેન્ટ પ્રોપર્ટી હોય છે. જે કિડની માટે ફાયદાકારક માનવામાં આવે છે.
આ સાથે જ મખાણા ગ્લુટેન ફ્રી, પ્રોટીન રિચ સ્નેક્સ છે. જેથી સાંજે ભૂખ લાગે ત્યારે તમને હેલ્ધી સ્નેક તરીકે મખાણા ખાઈ શકો છો.