રસોડામાં ઉપયોગમાં આવતી એલચી નાનકડી હોય છે પરંતુ તેનાથી ફાયદા ઘણાં મોટા થાય છે. મીઠાઈમાં સ્વાદ અને સુગંધ વધારતી એલચીના અનેક સ્વાસ્થ્ય ફાયદા છે. એટલું જ નહીં પણ તેને એક માઉથ ફ્રેશનર તરીકે પણ ઉપયોગમાં લેવામાં આવે છે. એલચીમાં વિટામિન બી, આર્યન અને રિબોફ્લેવિન, વિટામિન સી તથા નિયાસિન જેવા આવશ્યક વિટામિન રહેલા છે. ચાલો જાણી લો નાનકડી એલચીના 6 ઉપાય.
એલચી સ્વાસ્થ્ય માટે અત્યંત ગુણકારી છે
આ રીતથી એલચીનો કરો ઉપયોગ
પાચનતંત્ર માટે બેસ્ટ છે એલચી
પાચનમાં સુધાર
એલચી એક કુદરતી વાયુશમક છે અને તે પાચન સુધારવામાં, પેટના સોજાને ઓછો કરવા, એસિડીટીને દૂર કરવામાં મદદરૂપ થાય છે. આનાથી એસિડિટી અને પેટની ખરાબીના લક્ષણોથી રાહત મળે છે. આ સિવાય આયુર્વેદિક ગ્રંથો અનુસાર, આ પેટમાં થતી બળતરા અને વાયુના ગુણોને ઓછા કરે છે જેનાથી તે ભોજનને સરળતાથી પાચન કરે છે. આ ઉપાય માટે બેથી ત્રણ એલચી, આદુનો નાનો ટુકડો, 2 લવિંગ અને અડધી ચમચી આખા ધાણાના બીજ લો. તેને યોગ્ય રીતે પીસીને ગરમ પાણી સાથે ખાવ.
મોઢાની દુર્ગંધ દૂર કરે છે
જો તમારાં મોંઢામાંથી દુર્ગંધ આવે છે તો એક વખત એલચીનો ઉપાય કરી જુઓ. આમાં એન્ટિબેક્ટેરિયલ ગુણ હોય છે, સાથે જ એલચીની સુંગધ અને ગુણ મોંના બેક્ટેરિયા ખતમ કરે છે. આ સિવાય તે પાચનતંત્રમાં સુધાર લાવે છે. દરેક વખતે ભોજન બાદ એલચી ખાવાનો આગ્રહ રાખો. આનાથી પાચનતંત્ર મજબૂત બનશે.
એસિડિટીથી છુટકારો
એલચીમાં રહેલાં આવશ્યક તત્વ એસિડિટીના ઉપચાર માટે મહત્વનું સાબિત થાય છે. આ મોંઢામાં આવશ્યક લાળ પેદા કરવા માટે પણ એલચી ફાયદાકારક સાબિત થાય છે. નિયમિત રીતે ભોજન બાદ એલચી ચાવવાનો આગ્રહ રાખો. આનાથી એસિડિટીમાં રાહત મળે છે.
શ્વાસની તકલીફમાં
એલચી ફેફસામાં બ્લડ સર્ક્યુલેશન વધારીને શ્વાસ સંબંધિત સમસ્યાઓ જેમ કે, અસ્થમા, ખાંસી અને શરદી વગેરેથી રાહત અપાવે છે. આર્યુવેદમાં એલચી ને એક ગરમ મસાલો ગણાવામાં આવ્યો છે. જે શરીરને અંદરથી ગરમી આપે છે અને કફને બહાર કાઢે છે. તેના માટે એક બે એલચી ચાવી શકો છો.
શરીરને ડિટોક્સિફાઈ કરે છે
એલચીમાં રહેલાં ગુણો શરીરને અંદરથી સાફ કરવામાં મદદ કરે છે. સાથે જ ઈમ્યૂનિટી વધારે છે. એલચી કેન્સર જેવી બીમારીઓથી બચાવે છે. એલચીનો ફાયદો લેવા માટે રોજની ડાયટમાં એલચી ખાઓ અથવા તો રોજ એલચીવાળી ચા પીવો.
સેક્સુઅલ પાવર વધારે છે
એલચી એક શક્તિશાળી ઉત્તેજક ટોનિક છે. એલચી શરીરને મજબૂત બનાવે છે એટલું જ નહીં યૌન રોગ જેવા શીઘ્ર સ્ખલન અને નપુંસકતા પણ દૂર કરે છે. તેના ફાયદા માટે રોજ એક ગ્લાસ દૂધમાં 2-3 એલચી પીસીને મિક્સ કરીને ઉકાળીને પીવો.