જમ્મુ કાશ્મીર / અમરનાથ ગુફા જળ હોનારત: 15,000 શ્રદ્ધાળુઓને સુરક્ષિત જગ્યાએ શિફ્ટ કર્યા, સંકટમાં અડીખમ ઇન્ડિયન આર્મી

• અમરનાથ ગુફા વિસ્તારમાં આભ ફાટવાથી જળ હોનારાત
• અત્યાર સુધીમાં આ હોનારતમાં 16 લોકોના થયા મોત
• 40થી વધારે શ્રદ્ધાળુઓ હજૂ પણ ગુમ

જમ્મુ કાશ્મીરમાં શુક્રવારે સાંજ અમરનાથ ગુફા નજીક વાદળ ફાટવાના કારણે મોટી દુર્ઘટના સર્જાઈ હતી. ગુફાની પાસ ભારે પાણીના વહેણમાં કેટલાય શ્રદ્ધાળુ તણાઈ ગયા હતા. આ દુર્ઘટનામાં અત્યાર સુધીમાં 16 લોકો માર્યા ગયા હોવાની પુષ્ટિ થઈ ચુકી છે. તો વળી 40 લોકો ગુમ થયા છે. કહેવાય છે કે, ગુમ થયેલા લોકોને શોધવા માટે રેસ્ક્યૂ ઓપરેશન ચલાવામાં આવી રહ્યું છે. 

#WATCH | Rescue operation in progress in the cloudburst-affected areas in #Amarnath, J&K

(Source: Chinar Corps- Indian Army) pic.twitter.com/bzMHNpnqCc

— ANI (@ANI) July 9, 2022

રાહત અને બચાવ કાર્ય માટે ઘટનાસ્થળ પર આઈટીબીપી અને એનડીઆરએફની ટીમો લાગી ગઈ છે. અહીં ઉલ્લેખનીય છે કે, સેનાએ અત્યાર સુધીમાં 15 હજાર શ્રદ્ધાળુઓને સુરક્ષિત જગ્યા પર પહોંચાડી દીધા છે. તો વળી NDRFના ડીજી અતુલ કરવાલે જણાવ્યું છે કે, આ દુર્ઘટનામાં 16 લોકોના મોત થયા છે. અને 40ની આસપાસ લોકો ગુમ છે. રાતના સાડા ચાર કલાક સુધી રેસ્ક્યૂ કામ ચાલતું હતું. બાદમાં વરસાદ શરૂ થતાં રાહત અને બચાવ કાર્ય રોકી દેવામાં આવ્યું હતું. હવે આજે ફરી સવારના 6 વાગ્યાથી કામ શરૂ કરી દીધું છે. 

J&K | Army personnel reach Nilgrar, Baltal to evacuate the affected in the aftermath of the cloudburst incident which was reported, early this morning pic.twitter.com/EL07NvzKsA

— ANI (@ANI) July 9, 2022

15 હજાર લોકોને સુરક્ષિત જગ્યા પર પહોંચાડ્યા

ITBPના અધિકારી વિવેક કુમાર પાંડેએ જાણકારી આપી છે કે, સ્થાનિક પ્રશાસન તરફથી અમને સૂચના મળી છે કે, લગભગ 30-40 લોકો હજૂ પણ ગુમ છે. ITBP, ભારતીય સેના, NDRF, SDRF અને જમ્મુ કાશ્મીર પોલીસની સાથે મળીને કામ કરી રહ્યા છે, ગુફાવાળા વિસ્તારમાં ગુમ થયેલા લોકો મળી શકે છે.