દેહાવસાન / રાજ્યસભા સાંસદ અને પૂર્વ સપા નેતા અમરસિંહનું લાંબી બીમારી બાદ નિધન

• સમાજવાદી પાર્ટીના પૂર્વ નેતા અમરસિંહનું નિધન 
• દુબઇમાં થયું નિધન 
• 2013માં કિડની ખરાબ થઇ હતી 

અમરસિંહના નિધનને પગલે દિગ્ગજોએ ટ્વીટ દ્વારા અર્પી શ્રદ્ધાંજલિ 

સપાના પૂર્વ નેતા અને રાજ્યસભાના સાંસદ અમરસિંહનું નિધન થતાં સંરક્ષણ મંત્રી રાજનાથ સિંહ, કેન્દ્રીય મંત્રી નીતિન ગડકરી તથા સુબ્રમણ્યમ સ્વામી સહિતના દિગ્ગજોએ ટ્વીટ કરીને શ્રદ્ધાંજલિ અર્પણ કરી હતી. 

6 જાન્યુઆરી 2010માં સપામાંથી આપ્યું હતું રાજીનામું 

અમરસિંહ 64 વર્ષના હતા. 6 જાન્યુઆરી 2010ના રોજ તેઓએ સમાજવાદી પાર્ટીના તમામ પદો પરથી રાજીનામું આપી દીધું હતું. સમાજવાદી પાર્ટીથી અલગ થયા બાદ તેઓ વડાપ્રધાન મોદી અને ભાજપનું સમર્થન કરવા લાગ્યા હતા.

ઉત્તર પ્રદેશથી હતા રાજ્યસભાના સાંસદ 

અમર સિંહ હાલ ઉત્તર પ્રદેશની રાજ્યસભા બેઠકના સાંસદ હતા. તેમણે પોતાની રાજકીય કારકિર્દીની શરૂઆત 1996માં રાજ્યસભાના સાંસદ તરીકે કરી હતી. ત્યારબાદ 2002માં અને 2008માં તેઓ રાજ્યસભા માટે ચૂંટાઇ આવ્યા.

2013માં કિડની ખરાબ થઇ હતી 

એવું કહેવામાં આવે છે કે વર્ષ 2013 માં અમરસિંહની કિડની ખરાબ થઈ ગઈ હતી. માંદગી હોવા છતાં તે તેના સોશ્યલ મીડિયા એકાઉન્ટ પર સક્રિય હતા. ઇદ-ઉલ-જુહા નિમિત્તે, તેમના ટ્વિટર એકાઉન્ટથી તેમને શુભેચ્છાઓ. તેમનું છેલ્લું ટ્વિટ બાલગંગાધર તિલકની પુણ્યતિથિ પર હતું.

થોડા સમય પહેલા વીડિયો સંદેશ દ્વારા બચ્ચન પરિવારની માગી હતી માફી 

જીંદગીના પડાવ પર હું મોત સામે ઝઝૂમી રહ્યો છું ત્યારે હું અમિતજી અને તેમના પરિવારની ભૂતકાળમાં મેં કરેલી ટિપ્પણીઓ અંગે માફી માંગવા માંગુ છું.ઈશ્વર બચ્ચન પરિવાર પર પોતાના આશીર્વાદ વરસાવતા રહે.
 
2017માં અમિતાભ બચ્ચનના પરિવારને લઇને કરી હતી ટિપ્પણી 

2017 માં અમરસિંહે એક મુલાકાતમાં કહ્યું હતું કે, "અમિતાભ બચ્ચનને મળ્યા તે પહેલાથી જયા અને તે અલગ રહેતા હતા. તેમાંથી એક પ્રતિક્ષામાં રહેતા અને બીજા જનક નામના બંગલામાં રહેતા હતા. એવું પણ કહ્યું હતું કે ઐશ્વર્યા રાય બચ્ચન અને જયા બચ્ચન વચ્ચે બધું બરાબર નથી. હું આ બધી બાબતોમાં દોષી નથી. " અમરસિંહે કહ્યું કે અમિતાભે જાતે જ તેમને કહ્યું હતું કે તેમણે જયા બચ્ચનની સમાજવાદી પાર્ટીમાં સદસ્યતા સ્વીકાર નહીં કરે. ( માહિતી અપડેટ થઇ રહી છે)