કરૂણ / માતા-પિતા સાવધાન..રમતા રમતા બાળકના ગળામાં ફસાયું દોરડું, અંબાલામાં 8 વર્ષના લાડકવાયાનું ગૂંગળામણથી મોત

• બાળક રમવા માટે ઘરની અગાશી પર ગયું 
• ગળામાં દોરડુ ફસાઈ થઈ ગૂંગળામણ 
• બહેને ભાઈને જોઈ પાડી ચીસ 

હરિયાણાના અંબાલામાં એક દર્દનાક ઘટના બની છે. અહીં એક 8 વર્ષના બાળકના ગળામાં રમતા સમયે દોરડુ ફસાયું હતું. બાળક પોતાના ઘરની અગાશી પર રમી રહ્યું હતું અને રમતા સમયે તેના ગળામાં દોરડું ફસાયું. જ્યાં સુધી પરિવારના સભ્યો બાળકને લઈને હોસ્પિટલ પહોંચ્યા ત્યાં સુધીમાં તેનું મોત થયું હતું. આ દર્દનાક ઘટના અંગે જાણકારી મળતા પોલીસ હોસ્પિટલ પહોંચી હતી. પોલીસે પોસ્ટમોર્ટમ કરાવી બાળકનો મૃતદેહ પરિવારજનોને સોંપ્યો હતો.

મૃતદેહનું કરાવાયું પોસ્ટમોર્ટમ
માહિતી અનુસાર, આ ઘટના અંબાલા શહેરની છે. ન્યૂ ઈંદ્રપુરી કોલોની નિવાસી 8 વર્ષનું બાળક પોતાના ઘરે અગાશી પર રમી રહ્યું હતું.રમતા સમયે તેના ગળામાં દોરડું ફસાયું હતું. જ્યારે બાળકના પરિવારજનોએ જોયું તો તેને તાત્કાલિક હોસ્પિટલ લઈ ગયા હતા, પરંતુ ત્યાં સુધીમાં મોડું થઈ ગયું હતું. પોલીસે બાળકના મૃતદેહને કબજામાં લઈને પોસ્ટમોર્ટમ માટે સિટી સિવિલ હોસ્પિટલમાં મોકલ્યો હતો.

રબ્બરની દોરી ફસાતા થયું મોત
એરિયા MC મિથુન વર્માએ જણાવ્યું કે શુક્રવાર સાંજે આશરે 5.45 વાગ્યે આ ઘટના અંગે બાળકના પિતા દીવાનને ખબર પડી હતી. પરિવારજનોનું કહેવું છે કે, બાળક રમવા માટે ઘરની અગાશી પર ગયું હતું, ત્યારે તેના ગળામાં રબ્બરનું દોરડુ ફસાયું હતું.

ગૂંગળામણથી થયું મોત
પોલીસ સ્ટેશનના ઈન્ચાર્જે જણાવ્યું કે બાળકના ગળામાં દોરડું ફસાઈ જવાથી તેને ગૂંગળામણ થઈ હતી. ત્યારબાદ તેનું મોત થયું હતું. બાળકને જોવા માટે જ્યારે તેની બહેન અગાશી પર પહોંચી તો તેણે ભાઈને જોઈને ચીસ પાડી હતી. ત્યારબાદ પરિવારજનો તેને નાગરિક હોસ્પિટલ લઈ પહોંચ્યા હતા, જ્યાં ડૉક્ટરોએ બાળકને મૃત જાહેર કર્યું હતું.