રાજ્યમાં 5 વર્ષ સુધીના બાળકોમાં ગંભીર બીમારીઓ થઇ રહી હોવાના ચોંકાવનારા આંકડાઓ આવી રહ્યા છે. આ બીમારીઓમાં હ્રદય રોગ, કેન્સર, કીડનીને લગતી બીમારીઓ
5 વર્ષ સુધીના બાળકોમાં ગંભીર બીમારી
હ્રદય રોગ, કેન્સરનો બની રહ્યાં છે ભોગ
સ્કૂલોમાં બાળકોનું હેલ્થ ચેકઅપ કરવા માંગ
રાજ્યમાં 5 વર્ષ સુધીના બાળકોમાં ગંભીર બીમારીઓ થઇ રહી હોવાના ચોંકાવનારા આંકડાઓ આવી રહ્યા છે. આ બીમારીઓમાં હ્રદય રોગ, કેન્સર, કીડનીને લગતી બીમારીઓ સામે આવી રહી છે. બાળકોને ગંભીર બીમારીથી બચાવવા AMAના પૂર્વ પ્રમુખ મોના દેસાઇએ એક નિવેદનમાં કહ્યું છે કે,રાજ્યભરની સ્કૂલોમાં બાળકોનું હેલ્થ ચેકઅપ જરૂરી છે. આરોગ્ય પાછળ ખર્ચાતા કરોડોના ફંડ પર બાળકોનું હેલ્થ ચેકઅપ કરવા AMAએ માંગ કરી છે. એક સર્વે મુજબ વર્ષ 2016થી 2020માં ગંભીર બીમારીના આંકડા સામે આવ્યા છે જેમાં વર્ષ 2020 સુધીમાં હ્રદયની બીમારીના અંદાજિત 20 હજારથી વધુ કેસ, તો કિડનીના આ જ વર્ષમાં અંદાજિત 2 હજારથી વધુ કેસ સામે આવ્યા છે. તો કેન્સરનાં કેસમાં પણ એક હજારથી વધુ કેસ નોંધાયા છે
છે
રાજ્ય સરકાર દ્વારા આંગણવાડીથી લઇ ધોરણ-12 સુધી અભ્યાસ કરતાં તમામ વિધાર્થીઓ અને 18 વર્ષ સુધીના શાળાએ ન જતાં બાળકોની આરોગ્ય તપાસણી કરવામાં આવે છે.જો કે છેલા બે વર્ષના કોરોના કાળમાં આવા પ્રકારની ચકાસણી થઇ શકી નહોતી. અને શાળાઓ પણ બંધ હતી. રાજ્ય સરકારના બજેટને લગતા એક પ્રકાશન ‘પ્રવૃતિની રૂપરેખા’માં આ વિગતો આપવામાં આવી છે. બીમાર હોય એવા એકથી 2 લાખ બાળકોને નિષ્ણાત તબીબો પાસે રીફર કરાય છે. બાળરોગ, આંખ, દાંત, ચામડીના તબીબો પાસે નિદાન કરાવી સારવાર અપાય છે. 2020-21 અને 2021-22માં કોરોનાને લીધે ચેકઅપ થયું નહોતું. 2020-21માં કોરોનાના કારણે શાળા આરોગ્ય તપાસ કાર્યક્રમ થયો નહોતો પણ હૃદયના 11974, કિડનીના 1773 કેન્સરના 1090 બાળ દર્દીઓને સારવાર આપવામાં આવી હતી. જે કેસમાં જરૂર લાગે વિના મૂલ્યે ઓપરેશન કરવામાં આવે છે