જો તમે કોલેસ્ટ્રોલના દર્દી છો તો તમે તમારા ડાયટમાં ખાસ કરીને સિમ્પલ રીતે બની જતી અળસીની રોટલીને ટ્રાય કરી શકો છો. તે તમને મદદ આપશે અને દવાઓથી રાહત મળશે.
કોલેસ્ટ્રોલના દર્દીઓ માટે ખાસ છે આ રોટલી
અળસીના લોટની રોટલી કરે છે મદદ
કોલેસ્ટ્રોલની દવાઓથી જલ્દી મળશે છૂટકારો
દરેક ઘરમાં રોજ ઘઉંના લોટની રોટલીનો ઉપયોગ કરવામાં આવે છે.પણ જો તમને હાર્ટ સંબંધી કે બીપી સંબંધિત કોઈ પણ તકલીફ છે તો તમે સાદી રોટલીને બદલે અળસીના લોટની રોટલી ખાવાનું શરૂ કરો. આ રોટલી સ્વાસ્થ્ય માટે ફાયદારૂપ માનવામાં આવે છે અને તેને સરળતાથી ઘરે બનાવી શકાય છે. તો જાણો કઈ રીતે બનાવશો અળસીની રોટલી.
અળસીની રોટલી
સામગ્રી
અળસી – 50 ગ્રામ
લોટ – 1 વાટકી
પાણી – જરૂરિયાત અનુસાર
મીઠું સ્વાદ અનુસાર
બનાવવાની રીત
અળસીની રોટલી બનાવવા માટે સૌ પહેલા અળસી લો અને તેને તવા પર કે કઢાઈમાં શેકી લો. બરોબર શેકાઈ જાય તો ગેસ બંધ કરો અને તેને પ્લેટમાં કાઢીને ઠંડી થવા દો. અળસી ઠંડી થાય તો તેને મિક્સરમાં ગ્રાઈન્ડ કરીને રોટલી માટેનો લોટ તૈયાર કરી લો. હવે તે લોટેને એક પ્લેટમાં કાઢો અને તેને 3 ભાગમાં વહેચી લો. તમે આ લોટ સવારે, બપોરે અને સાંજે 3 સમયે ઉપયોગમાં લઈ શકશો. તેમાં થોડું મીઠું અને પાણી મિક્સ કરીને લોટ તૈયાર કરો. તેની રોટલી જરૂરિયાત અનુસાર બનાવો. અળસીના લોટને કોરો જ અલગ રહેવા દો અને જરૂર અનુસાર બાંધીને ઉપયોગ કરો. તમે અળસીના લોટને બાંધેલો બીજા દિવસ માટે રાખી શકશો નહીં. આ સાથે અન્ય એક વાતનું પણ ધ્યાન રાખવું કે આ લોટની રોટલી બનાવીને તરત જ ખાઈ લેવી. સવારની રોટલી પણ સાંજે ખાવી નહીં.