રાજનીતિ / રાજીનામા બાદ ભાજપમાં જોડાવા માટે અલ્પેશ ઠાકોરનું મોટું નિવેદન

શું છે ભાજપના સમીકરણ

ગઇકાલે ગુજરાતમાં યોજાયેલ રાજ્યસભાની ચૂંટણીમાં કોંગ્રેસના ધારાસભ્ય અલ્પેશ ઠાકોર તથા ધવલસિંહ ઝાલાએ ક્રોસ વોટિંગ કર્યા બાદ કોંગ્રેસમાંથી રાજીનામું આપવાની વાત કરી હતી ત્યારબાદ તેમણે વિધાનસભાના અધ્યક્ષને પોતાનું રાજીનામું ધરી દીધું હતું. ત્યારે તાજેતરમાં સૂત્રો દ્વારા પ્રાપ્ત થયેલ જાણકારી મુજબ આવનારી પેટાચૂંટણીને લઇને ભાજપમાં સમીકરણો ઘડાયા છે. 

ઉલ્લેખનીય છે કે, અલ્પેશ ઠાકોર તથા ધવલસિંહ ઝાલા આગામી ટૂંકા સમયગાળામાં ભાજપમાં વિધિવત રીતે જોડાશે, આ સાથે જ અલ્પેશ ઠાકોર રાધનપુરને બદલે ખેરાલુથી ચૂંટણી તેવી પણ સંભાવનાઓ વ્યક્ત કરવામાં આવી છે. 

જો અલ્પેશ ભાજપમાં જોડાય તો....?

કોંગ્રેસમાંથી રાજીનામું આપ્યા બાદ અલ્પેશ ઠાકોર જો ભાજપમાં જોડાય તો અલ્પેશ ઠાકોરને રાજ્ય સરકારમાં મળી શકે છે મંત્રી પદ. આ સાથે જ અલ્પેશ ઠાકોરને ફરીથી વિધાનસભાની ચૂંટણી લડવી પડશે અને તે રાધનપુર બેઠક પરથી ધારાસભ્યની ચૂંટણી લડી શકે છે. 

તો આ સાથે જ  રાજ્યસભામાં જવાની પણ અલ્પેશ ઠાકોરને છે આશા. તો તેને સંગઠનમાં મોટી જવાબદારી પણ આપવામાં આવી શકે છે.  અલ્પેશ ઠાકોર પેરાશૂટ મંત્રી બને તો ભાજપના સિનિયર ધારાસભ્યો નારાજ થવાની પણ શક્યતા રહેલી છે.