રાજનીતિ / પેટાચૂંટણી સમયેજ અલ્પેશના રાડાઃ આ વીડિયોમાં માલૂમ જ નથી પડતુ આ ભાજપી છે કે, કોંગ્રેસી

• અલ્પેશ ઠાકોરે કરી મોટી કબુલાત
• "કોંગ્રેસમાં ટિકિટની ફાળવણી કરતો હતો"
• "દેશમાં કોઈને પણ ટિકિટ અપાવી શકતો"

પેટાચૂંટણી સમયે જ ભાજપાના રાધનપુર વિધાનસભાની બેઠકના ઉમેદવાર અલ્પેશ ઠાકોરનો એક વીડિયો વાઈરલ થયો છે. જેમાં તેની ફાંકા ફોજદારી સામે સવાલ ઉઠાવાઈ રહ્યા છે વીડિયોમાં અલ્પેશ ઠાકોરની કોંગ્રેસની ટિકિટ ફાળવણીની અને પોતાની જો હુકમીની કબુલાત કરી રહ્યો છે. 

શું કહી રહ્યો છે અલ્પેશ ઠાકોર

વીડિયોમાં અલ્પેશ ઠાકોરે કરી મોટી કબુલાત કરી છે. જેમાં તેણે કબુલ્યુ છે કે, કોંગ્રેસમાં ટિકિટની ફાળવણી હું જ કરતો હતો, કોંગ્રેસમાં હું ધારું તેને આખા દેશમાં ટિકિટ અપાવી શકુ, કોંગ્રેસમાં જે હુ કહું તે જ થતુ હતુ. જે ચૂંટણી લડે છે, તે બધાને મે જ ટિકિટ આપી છે. 

અલ્પેશ ઠાકોર અચાનકથી અનામત મુદ્દે હિરો બનીને ઠાકોર સમાજનું પ્રતિનિધિત્વ લઈને ઉભરી આવ્યો અને ત્યારબાદ કોંગ્રેસના ખોળે બેસીને રાધનપુર વિધાનસભાની ચૂંટણી લડી. એ વખતે ભાજપને ખૂબ ભાંડ્યા બાદ હવે તે જ ભાજપના શરણે જઈ પોતે જ રાધનપુર વિધાનસભા બેઠક ઉપરથી પોતે જ ખાલી કરેલી સીટ પર ચુંટણી લડી રહ્યો છે.