રાજ્યના ધારાસભ્યોમાં લોકોની માંગ આધારિત વિકાસમાં સાર્વજનિક સ્થાનો પર બાંકડા મૂકાવાની જાણે હોડ ચાલી છે. રાજ્યના શહેર અને ગ્રામ્ય વિસ્તારના સાર્વજનિક સ્થાનો પર ગોઠવાયેલા બાંકડાનું દ્રશ્ય આમ છે પણ આ બાંકડાની કિંમતમાં રાજરમત ખેલાતી હોય તેવો આક્ષેપ રાધનપુરના ધારાસભ્ય અલ્પેશ ઠાકોરનો છે. અલ્પેશ ઠાકોરના મતે રાજ્યના ધારાસભ્યોને બાંકડાની પડતર કિંમત કરતાં વધુ રકમ ચૂકવવા માટે સરકારે જ એસ.ઓ.ઓર કરેલ છે જેના કારણે પ્રજાના નાણોનો દુર્વ્યય થાય છે. બાંકડાની કિંમતમાં થતી ગેરરીતીથી રાજ્યના વિકાસ કાર્યો પર પણ નકારાત્મક અસર પડે છે.
રાજ્યના ધારાસભ્યો પોતાની વાર્ષિક વિસ્તાર વિકાસની ગ્રાન્ટ તો જાણે સાર્વજનિક સ્થળો પર બાંકડા ગોઠવવા માટે હોય તેવો નજારો જાહેર રસ્તાઓ પરદેખાતા બાંકડાઓથી આવે છે. રાજ્યના ધારાસભ્યોને વાર્ષિક રૂપિયા દોઠ કરોડની ગ્રાન્ટ સ્થાનિક વિસ્તાર વિકાસ માટે ફળવાય છે પણ ધારાસભ્યોનો બાંકડા પ્રેમ સવિશેષ જોવા મળે છે. સરકારી ખર્ચે જાહેર સ્થળો પર ગોઠવાતા બાંકડાની કિમંતમાં રાજકારણ છે તેવો આક્ષેપ રાધનપુરના કોંગી ધારાસભ્ય અલ્પેશ ઠાકોરનો છે. અલ્પેશ ઠાકોરના કહેવા પ્રમાણે સરકારી બાંકડાઓ તેના નિર્માણ ખર્ચ કરતાં મોટી કિંમતે ખરીદાય છે જેનાથી પ્રજાના નાણાંનો વ્યય થાય છે અને ગેરરીતી અચરાતી હોય તેની શંકા પ્રેરે છે.
પ્રજાના નાણાંના દૂર્વ્યય પર ખૂદ ધારાસભ્ય ખુલીનો બોલે છે કે બાંકડા તેની મૂળ કિંમત કરતાં મોટી કિંમતે સરકારમાં ખરીદાય છે ધારાસભ્ય અલ્પેશ ઠાકોરનું કહેવું છે કે બાંકડાઓની ખરીદીમાં મોટી વિસંતતાઓ છે. જે બાંકડા કૌભાંડ બાબતે પર્દાફાર્શ કરે છે. બાંકડાઓની ખરીદીમાં એસ.ઓ.આર રેટ અને સાચી ખરીદ કિંમતની વચ્ચે રહેલાં તફાવતના કારણે રાધનપુર મતક્ષેત્રમાં ધારાસભ્ય તરીકે કોંગી ધારાસભ્ય અલ્પેશ ઠાકોરે પોતાના મતક્ષેત્રમાં બાંકડાઓની માંગણી કરી નથી.
રાધનપુરના ધારાસભ્ય અલ્પેશ ઠાકોર બાંકડાની ખરીદીમાં થતી ગેરરીતીના કારણે બાંકડાઓ પોતાના મતક્ષેત્રમાં આવશ્યકતા હોવા છતાં ખરીદતા નથી જેની પૃષ્ટી પાટણ જિલ્લા આયોજન અધિકારી એચ. કે. શુક્લા પણ કરે છે. બાંકડાઓની ખરીદ કિંમતમાં થતી ગેરરીતીના કારણે પાટણ જિલ્લાના રાધનપુર વિધાનસભા મતક્ષેત્રના નાગરિકો બાંકડાની સુવિધાથી વંચિત રહેશે. જે બાબતે સ્થાનિક ધારાસભ્ય અલ્પેશ ઠાકોરનો પણ રોષ છે. આ બાંકડાના એસ.આર.ઓની કિંમત કરતાં ઓછી કિંમતમાં બાંકડાઓ ખુદ પાટણ વિસ્તારમાં બને છે.
એવું નથી કે બાંકડાઓ પાટણમાં ઓછી કિંમતે બને છે. બાંકડાના નિર્માણ માટે જાણીતી જગ્યા ચીલોડા અને દહેગામ ખાતે બાંકડા નિર્માતાઓ પણ મોઝેક ટાઇલ્સના બાંકડા રૂપિયા પચ્ચીસો સુધીમાં બને છે તેની પૃષ્ટી કરે છે. બાંકડા નિર્માતા ખુદ બાંકડાની ઓછી કિંમત કહે છે તો પ્રશ્ન એ થાય કે બાંકડાની ખરીદીમાં ધારાસભ્ય અલ્પેશ ઠાકોરના કહેવા પ્રમાણે એસ.ઓ.આર કિંમત કેમ રૂપિયા ચાર હજારે પહોંચે છે તે શંકા પ્રેરે છે.
ધારાસભ્યોને કેમ બાંકડા પાછળ વધુ નાણાં ફાળવે છે તેવો સીધો સવાલ અમદાવાદ શહેરના વેજલપુર વિધાનસભા મતક્ષેત્રના ભાજપના ધારાસભ્ય કિશોર ચૌહાણે કર્યો તો તેમણે બાંકડાઓ નાગરિકોની આવશ્યકતા છે તેમ સ્પષ્ટ કહ્યું. અમદાવાદ શહેરના વેજલપુર મતક્ષેત્રમાં ધારાસભ્ય કિશોર ચૌહાણે ફાળવેલા બાંકડાઓ વધુ જોવા મળે છે. ધારાસભ્ય કિશોર ચૌહાણે પણ બાંકડાની કિંમત રૂપિયા 2600 સુધીની કહી છે.
રાજ્યના ગ્રામ્ય અને શહેરી વિસ્તારમાં નાગરિકોને સાર્વજનિક સ્થળો ઉપર બાંકડાની સુવિધાની અપેક્ષા રાખતા હોય છે પણ સરકારી બાંકડાની ખરીદ કિંમતમાં થતી વિષમતાથી ખૂદ ધારાસભ્ય પણ પરેશાન હોય ત્યારે સરકારે સવેળા જાગીને આ બાબતે પગલાં લેવાં જોઇએ. એમાં થતી ગેરરીતી અટકાવીને લોકપયોગી કાર્યમાં થતી ગેરરીતીનો પર્દાફાર્શ કરીને દોષિતો સામે પગલા ભરી દાખલો બેસાડવો જોઇએ.