કોરોનાના વધતા કેસને લઇને આરોગ્યમંત્રી એક્શનમાં આવી ગયા પરંતુ નેતોઓ તો કાર્યક્રમ કરવામાં વ્યસ્ત. કોરોનાને લીધે મોટાકાર્યક્રમો રદ કરવામાં પણ કેટલાક નેતાઓ હજુ ગંભીર નથી. રાજ્ય સરકારે નવી કોરોના ગાઇડલાઇન જાહેર કરી કે જેથી કરીને કોરોના નિયંત્રણમાં લાવી શકાય. પરંતુ આ નિયમો પ્રજા તોડે તો તોડે પણ નેતાઓએ તો નિયમો કી ઐસી તૈસી કરવાનુ જાણે કે નક્કી જ કરી લીધુ છે. ત્યારે વધુ એક નેતાએ કોરોના ગાઇડલાઇનના લીરેલીરાં ઉડાવતા જોવા મળ્યા. આ નેતા બીજુ કોઇ પરંતુ ભાજપના નેતા અલ્પેશ પટેલ હતા.
મહેસાણામાં નેતાની હાજરીમાં નિયમોના ધજાગરા
અમદાવાદમાં રિવરફ્રન્ટ ખાતે સંત સંમેલન યોજાઇ ગયા બાદ 40થી વધુ નેતાઓ કોરોના પોઝિટીવ આવ્યા. હવે મહેસાણામાં પણ આવી જ એક ઘટના સામે આવી છે. ખેરાલુના મંદ્રોપુરા ખાતે નાઇટ ક્રિકેટ ટુર્નામેન્ટ યોજાઇ હતી જેમાં કોરોનાના નિયમોના ધજાગરા ઉડતા જોવા મળ્યા. નાઇટ ક્રિકેટ ટુર્નામેન્ટનો ઓપનિંગ કાર્યક્રમ હતો જેમાં ભાજપના નેતા અલ્પેશ ઠાકોર ઉપસ્થિત રહ્યા હતા. નેતાની ઉપસ્થિતિમાં જ હજારોની સંખ્યામાં લોકો ઉમટી પડ્યા. ન ક્યાંય જોવા મળ્યુ સામાજિક અંતર કે ન કોઇએ માસ્ક પહેર્યુ હતું.
નેતાજી થોડા તો જવાબદાર બનો
એક સામાન્ય નાગરિક નિયમોનું ઉલ્લંઘન કરે તો દંડ ફટકારવામાં આવે છે પરંતુ અહીં તો નેતાજી પણ એટલા જ જવાબદાર જેટલી પ્રજા. પણ નિયમો તો પ્રજા માટે જ હોય ને, નેતાઓને થોડા કંઇ નિયમો લાગુ પડે ? ક્રિકેટ ટુર્નામેન્ટના ઓપનિંગમાં નાના બાળકોથી માંડીને વૃદ્ધો પણ આવી પહોચ્યા હતા. લોકો ટોળે વળીને બેઠેલા જોવા મળ્યા હતા. ત્યારે અહીં સવાલ એ થાય કે શું ક્રિકેટ ટુર્નામેન્ટ લોકોના જીવ કરતા પણ મહત્વની હતી.
અલ્પેશ ઠાકોરે પણ પહેર્યુ ન હતુ માસ્ક
ક્રિકેટ ટુર્નામેન્ટના આ દ્રશ્યોમાં સ્પષ્ટ જોવા મળી રહ્યું હતુ કે ભીડની વચ્ચેથી ભાજપના નેતા અલ્પેશ ઠાકોર એન્ટ્રી કરે છે. આ સમયે મોટી સંખ્યામાં લોકો તેમની આગતા સ્વાગતા કરતા જોવા મળી રહ્યા છે. પરંતુ જો કોઇએ માસ્ક પહેર્યુ હોય તો. અરે ખુદ અલ્પેશ ઠાકોરે પણ માસ્ક પહેર્યુ ન હતું. નેતાજીને સારુ લગાડવા મસમોટા હાર પહેરાવવામાં આવ્યા પરંતુ કોરોનાનું કોઇને ભાન ન રહ્યુ. કોઇને ભાન ન રહ્યુ કે આ ભીડ કોરોના નોતરી શકે છે. લોકો તો ભાન ભૂલ્યા હતા પરંતુ નેતા તો પ્રજાને સમજાવી શકે કે નહી ?
સળગતા સવાલ
કોરોનાના વધતા કેસ વચ્ચે ટૂર્નામેન્ટનું આયોજન કેમ?
ભાજપ નેતા અલ્પેશ ઠાકોરને નિયમોનું ભાન નથી?
અલ્પેશ ઠાકોર લોકોને નિયમોનું પાલન કરવા કહે છે એને તેમની સામે જ ઉલ્લંન થાય છે
ટૂર્નામેન્ટમાં હાજરી આપનારા અલ્પેશ ઠાકોર સામે પણ કાર્યવાહી કેમ નથી કરાતી?
ટૂર્નામેન્ટનું આયોજન કરનાર અને તેમાં સામેલ લોકો સામે કડક કાર્યવાહી કેમ નહીં?