ગુજરાત ક્ષત્રિય ઠાકોર સેના રાધનપુર તાલુકા દ્વારા સમૂહ લગ્નનું આયોજન કરાયું છે. ત્યારે રાધનપુરમાં આ સમૂહ લગ્નમાં અલ્પેશ ઠાકોર ઉપસ્થિત રહ્યા હતા. અહીંથી તેમણે મોટી જાહેરાત કરી છે.
હું રાધનપુરથી ચૂંટણી લડીશ:અલ્પેશ ઠાકોર
2022ની ચૂંટણી રાધનપુરથી જ લડીશ: અલ્પેશ ઠાકોર
અહીંથી જ મેણું ભાંગવું છે:અલ્પેશ ઠાકોર
રાધનપુરમાં ક્ષત્રિય ઠાકોર સમાજના સમૂહલગ્નના ઠાકોર સમાજના અગ્રણી અને ભાજપ નેતા અલ્પેશ ઠાકોર હાજર રહ્યા હતા. અહીં તેમણે તમામ નવદંપતીઓને સુખી દામ્પત્ય જીવનની શુભકામનાઓ આપી છે. તો તેમણે સમૂહલગ્નના મંચ પરથી આગામી વિધાનસભા ચૂંટણી લડવા અંગે જાહેરાત કરી છે. તેમણે કહ્યું કે, 2022 વિધાનસભાની ચૂંટણી રાધનપુરથી જ લડીશ. રાધનપુરથી જ લડવું છે અહીંથી જ મેણું ભાંગવું છે.
અલ્પેશે કહ્યું કે, તમે મને ખુબ પ્રેમ આપ્યો છે, હું નોંધારા મૂકીને નહીં જાવ. 2022ની ચૂંટણી અહીંથી જ લડવા આવવાનો છું. તમારે મને જીતાડવાનો છે. આ દરમિયાન હાજર સૌ લોકોએ અલ્પેશના સમર્થનમાં નારા લગાવ્યા હતા.
તેમણે કહ્યું કે, અહીં ભાજપના કાર્યકર્તાઓને એકઠા કરીને પૂછ્યું કે જો તમારી બધાની ઇચ્છા હોય તો મેણું અહીંથી જ ભાંગવું છે. તો પૂર્વ ધારાસભ્યો પર પ્રહાર કરતા અલ્પેશ ઠાકોરે કહ્યું કે, જે લોકો ડખો કરે છે એ લોકો ભુલી જાય કે તેમને ચૂંટણી લડી શકશે.
Attended a community wedding organized by Gujarat Kshatriya Thakor Sena Radhanpur taluka
Good luck to all the newlyweds for a happy married life pic.twitter.com/h9tWOZQQsz
તો રાધનપુર ધારાસભ્ય રઘુ દેસાઈએ અલ્પેશના નિવેદન પર પ્રતિક્રિયઆ આપતા કહ્યું કે, એતો ગમે તે કહેતા હોય, લોકો કામ જોવે છે. સરકારમાં અવાજ ઉઠાવવા માટે રઘુ દેસાઈ જેવો માણસ નથી.
મહત્વનું છે કે, રાધનપુરમાં ભાજપના પૂર્વ ધારાસભ્યોએ મોરચો માંડ્યો હતો, કે ઉમેદવાર સ્થાનિક જ હોવો જોઈએ. એક વાત ચોક્કસ છે કે 2022માં તે લડી શકે છે. એ જોવાનું રહ્યું કે જેમણે મોરચો માંડ્યો હતો તેનું સ્ટેન્ડ શું રહે છે.