એક સમયે રાજ્ય સરકાર સામે સાથે બાયો ચડાવનાર હાર્દિક પટેલ અને અલ્પેશ ઠાકોર આજે આમને-સામને જોવા મળી રહ્યાં છે. 2017ની વિધાનસભાની ચૂંટણીમાં કોગ્રેસના પરાજયને લઇને હાર્દિક પટેલે હાલના ભાજપના અલ્પેશ ઠાકોરને જવાબદાર ગણાવ્યાં છે.
અલ્પેશને કારણે કોંગ્રેસ વિધાનસભા હારી હતી
ભાજપના કહેવાથી જ અલ્પેશ આવ્યો હતો કોંગ્રેસમાં
ભાજપને ઓછી સીટ મળે તો અલ્પેશના પક્ષપલ્ટાનો હતો પ્લાન
કોંગ્રેસ નેતા હાર્દિક પટેલે જણાવ્યું છે કે 2017ની વિધાનસભા ચૂંટણીમાં કોંગ્રેસની હાર શા કારણોસર થઇ તે સૌ જાણે છે. હાર્દિક પટેલે કોંગ્રેસની હારના કારણને લઇને અલ્પેશ ઠાકોર પર આક્ષેપ લગાવ્યો છે. હાર્દિક પટેલે કહ્યું કે અલ્પેશ ઠાકોર અને ભાજપનું સેટિંગ હતું. ભાજપના કહેવાંથી અલ્પેશ ઠાકોર કોંગ્રેસમાં જોડાયાં હતાં.
હાર્દિક પટેલે ભાજપ સરકાર પર કર્યા પ્રહાર
2017ની ચૂંટણીને લઇને હાર્દિક પટેલે જણાવ્યું કે ભાજપને ખબર હતી તે બહુમતિથી થોડા દૂર રહેવાના છે. જ્યારે 2017માં અલ્પેશ ઠાકોરને ભાજપમાં લેવાથી પક્ષને કોઇ ફાયદો જણાતો નહોતો. એવા સંજોગોમાં ભાજપે અલ્પેશ ઠાકોરને કોંગ્રેસમાં મોકલ્યાં હતા.
2017ની ચૂંટણી બાદ ભાજપના પ્લાનને લઇને કહી આ વાત
હાર્દિક પટેલે 2017ની વિધાનસભા ચૂંટણીને લઇને આજરોજ ભાજપ તેમજ અલ્પેશ ઠાકોર પર નિશાન સાધ્યું છે. જો 2017ની વિધાનસભા ચૂંટણીમાં ભાજપને ઓછી બેઠક મળી હોત તો અલ્પેશ ઠાકોરના પક્ષપલટાનો પ્લાન હતો. 2017ની ચૂંટણીમાં અલ્પેશ ઠાકોરે 10 બેઠક પર જ પ્રચાર કર્યો હતો. ભાજેપ અલ્પેશ ઠાકોરની સાથે મળીને કોંગ્રેસને હરાવવાનું સેટિંગ કર્યું હોવાનો પણ આક્ષેપ કર્યો છે.