પાટણઃ રાધનપુરથી કોંગ્રેસના ધારાસભ્ય અને ઠાકોર સમાજના નેતા અલ્પેશ ઠાકોરને કોંગ્રેસમાં મોટી જવાબદારી આપવામાં આવી છે. અલ્પેશ ઠાકોરને કોંગ્રેસના રાષ્ટ્રીય સચિવ બનાવવામાં આવ્યા છે. બિહાર કોંગ્રેસના સચિવ તરીકેની જવાબદારી સોંપવામાં આવી છે.
અલ્પેશ ઠાકોર હવે બિહારમાં સહપ્રભારી તરીકેની જવાબદારી સંભાળશે જ્યારે બિહારના પ્રભારી શક્તિસિંહ ગોહિલ સાથે કામગીરી અદા કરશે. બિહારમાં 2 ગુજરાતી નેતાને કોંગ્રેસ દ્વારા મહત્વની જવાબદારી સોંપવામાં આવી છે. થોડા સમય પહેલા શક્તિસિંહ ગોહિલને બિહારના પ્રભારી બનાવવામાં આવ્યા હતા.
Gujarat MLA Alpesh Thakor appointed Congress Secretary and party co incharge of Bihar (file pic) pic.twitter.com/eXWSO3kYFz
કોણ છે અલ્પેશ ઠાકોર ?
તેઓ રાધનપુરથી કોંગ્રેસના ધારાસભ્ય છે. પ્રથમ વખત ધારાસભ્ય તરીકે ચૂંટાયા છે. રાજ્યમાં OBC નેતા તરીકે છાપ ઉભી કરી છે. અલ્પેશ ઠાકોરનું ઠાકોર સમાજમાં મોટું વર્ચસ્વ છે. 2017ની વિધાનસભા ચૂંટણી પહેલા કોંગ્રેસમાં જોડાયા હતા.