અલ્પેશ ઠાકોરના ઘરે ઠાકોર સેનાની બેઠકનું આયોજન કરાયુ હતું. અલ્પેશ ઠાકોરના ભાજપ પ્રવેશને લઇને બેઠક યોજાઈ હતી. ત્યારે મળતી માહિતી મુજબ આ બેઠકમાં અલ્પેશ ઠાકોરને ભાજપમાં જોડાવાના મુદ્દે ચર્ચા ચાલી હતી. તો અલ્પેશ સાથે ધવલસિંહને પણ ભાજપમાં જોડાવા મુદ્દે મહોર મરાશે. આ સમગ્ર મામલે ટુંક સમયમાં ખુલાસો થઇ જશે.
આ બેઠક બાદ ધવલસિંહ ઝાલાએ પત્રકાર પરિષદ યોજી હતી. જેમાં તેમણે જણાવ્યું હતું કે હું અને અલ્પેશ ઠાકોર ભાજપમાં જોડાઇશું. અલ્પેશ ઠાકોરના નિવાસસ્થાને યોજાયેલી ઠાકોર સેનાની બેઠકમાં નિર્ણય લેવામાં આવ્યો છે. આ બેઠકમાં સમાજના વિકાસ માટે નિર્ણય લેવાયો છે.
કોર કમિટીનો નિર્ણય આવકાર્યઃ ધવલસિંહ
વધુમાં ધવલસિંહે જણાવ્યું હતું કે, ભાજપમાં જોડાવા માટે ઠાકોર સેના કોર કમિટીએ સુચન કર્યા છે. ભાજપમાં જોડાવા મામલે સર્વાનુમતે નિર્ણય લેવાયો છે. કોર કમિટીના નિર્ણયને અમે આવકારીયે છીએ.
Amit Thakor,Gujarat Kshatriya Thakor Sena: Alpesh Thakor and Dhavalsinh Zala(former Congress leaders) will soon join BJP, we believe in the party's ideology. pic.twitter.com/nBeds6gqvQ
વધુમાં ધવલસિંહે જણાવ્યું હતું કે, અલ્પેશ સાથે ચર્ચા બાદ નિર્ણય લેવાશે. ચૂંટણી વખતે ઘણી વાતો વહેતી થઈ હતી. અમે સમાજને પૂછ્યા વગર કોઈ નિર્ણય લઈ નથી શકતા. અમારી સાથે જેને પણ જોડાવુ હોય તે જોડાઈ શકે છે. સંગઠનને અલ્પેશ પર ઘણી આશાઓ છે. અલ્પેશ કોર કમિટીના નિર્ણય પર આગળ વધશે.
બન્ને સભ્યો 6 વર્ષ સુધી ચૂંટણી ન લડી શકે તેવી કાર્યવાહી કરીશુંઃ કોંગ્રેસ
અલ્પેશ ઠાકોર અને ધવલસિંહ ઝાલાના ભાજપ પ્રવેશ અંગે કોંગ્રેસે પ્રતિક્રિયા આપી હતી. કોંગ્રેસે કહ્યું કે, રાજ્યસભાની ચૂંટણીમાં કોંગ્રેસના વિરુદ્ધમાં મતદાન કર્યું તે મામલે કાર્યવાહી થશે. તેઓ ક્યાંય પણ જોડાય એ એમનો અંગત નિર્ણય છે. બંને ધારાસભ્યો વિરૂદ્ધમાં કોંગ્રેસ આગામી સમયે કાયદાકીય કાર્યવાહી કરશે. બંને સભ્યો 6 વર્ષ સુધી ચૂંટણી ન લડી શકે એવી કાર્યવાહી કરીશું. પક્ષાંતર ધારા હેઠળ બંને સભ્યો સામે કાર્યવાહી થશે.