આવેદન / ગુજરાતમાં લોકસભાનું મતદાન પૂર્ણ થતાની સાથે અલ્પેશની જેલ મુક્તિની ઉઠી માંગ

છેલ્લા ઘણા સમયથી પાસ કન્વીનર અલ્પેશ કથીરિયા રાજદ્રોહના કેસમાં જેલમાં હોવાથી પાસ દ્વારા તેની મુક્તિની માંગ કરવામાં આવી હતી. જો તંત્ર યોગ્ય કાર્યવાહી નહિ કરે તો ગાંધી ચિંધ્યા માર્ગે આંદોલનની ચીમકી પણ ઉચ્ચારી છે.

આજે ભાવનગર કલેકટર કચેરી ખાતે આજે પાટીદાર સમાજ દ્વારા આવેદનપત્ર પાઠવી પાસ કન્વીનર અલ્પેશ કથીરિયાને જેલમાંથી મુક્તિની માંગ કરી હતી. આ તકે શહેરના પાટીદાર અગ્રણીઓ સાથે પાસના આગેવાન ગોપાલ ઈટાલીયા પણ જોડાયા હતા.

છેલ્લા ઘણા સમયથી પાસ કન્વીનર અલ્પેશ કથીરિયા રાજદ્રોહના કેસમાં જેલ હવાલે છે. ત્યારે રાજ્યમાં લોકસભા ચુંટણીનું મતદાન પૂર્ણ થતા ફરી પાટીદારોએ તેમની મુક્તિની માંગ કરી છે. આજે ભાવનગર કલેક્ટર કચેરી ખાતે ચીટનીશ ટુ કલેક્ટરને પાટીદારોએ આવેદનપત્ર પાઠવ્યું હતું. તેમણે અલ્પેશ કથીરિયાની જેલ મુક્તિની માંગ કરી હતી. 

આ આવેદનપત્રમાં શહેરના પાટીદારો સાથે ગોપાલ ઈટાલીયા પણ જોડાયો હતો. જેમણે અલગ અંદાજમાં અલ્પેશને મુક્ત કરવા માંગ કરી હતી.