BIG BREAKING / નરેશ પટેલની સાથે અલ્પેશ કથીરિયા પણ કોંગ્રેસમાં જોડાય તેવા અણસાર, PAAS નેતાએ કહ્યું આ બધી વાતો ખોટી

• સુરતથી ગુજરાતના રાજકારણને લઇ મહત્વના સમાચાર
• અલ્પેશ કથીરિયા અને ધાર્મિક માલવિયા કોંગ્રેસમાં જોડાશે
• ફરી એકવાર ટીમ PAASમાં પડશે બે ભાગ

સુરતથી ગુજરાતના રાજકારણને લઇ મહત્વના સમાચાર

 કોંગ્રેસના કાર્યકારી અધ્યક્ષ અને અગ્રણી પાટીદાર નેતા હાર્દિક પટેલ છેલ્લા કેટલાક સમયથી પક્ષની નેતાગીરીથી નારાજ છે.ત્યારે  તેની વચ્ચે સુરતથી ગુજરાતના રાજકારણને લઈને મહત્વના સમાચાર સામે આવી રહ્યાં છે. રાજકીય સુત્રોના જણાવ્યા અનુસાર નરેશ પટેલની સાથે સુરત PASS ટીમ બે સભ્યો એટલે કે,અલ્પેશ કથીરિયા અને ધાર્મિક માલવિયા કોંગ્રેસમાં જાડાશે તેમ ચર્ચાઈ રહ્યું છે. બીજી સાથે  વિજય માંગુકિયા અને પંકજ સિદ્ધપરા પણ કોંગ્રેસમાં જોડાશે. 

ફરી એકવાર ટીમ PAASમાં પડશે બે ભાગ

રાજકીય સુત્રોના જણાવ્યા પ્રમાણે સુરતની PASSની ટીમ કોંગ્રેસમાં જોડાશે અને આ સાથે અલ્પેશ કથીરિયા સુરતની વરાછા બેઠક પરથી ચૂંટણી લડી શકે છે.  હત્વનું છે કે, કોંગ્રેસના કાર્યકારી અધ્યક્ષ અને અગ્રણી પાટીદાર નેતા હાર્દિક પટેલ છેલ્લા કેટલાક સમયથી પક્ષની નેતાગીરીથી નારાજ છે.આજે જ આ નારાજગી વચ્ચે હાર્દિક પટેલે  મોટું નિવેદન આપતાં જણાવ્યું હતું કે, કોંગ્રેસના નેતાઓમાં નિર્ણય શક્તિનો અભાવ છે. તેમણે વધુમાં જણાવ્યું હતું કે, દિલ્હીમાં હાઈકમાન્ડ સમક્ષ મેં મારી વાત મુકી છે.

રાજકારણમાં સક્રિય રીતે જોડાવવા અંગે અલ્પેશ કથિરીયોએ પ્રતિક્રિયા આપી 

બીજી તરફ અલ્પેશ કથીરિયાએ આ અંગે પોતાની પ્રતિક્રિયા આપતાં જણાવ્યું હતું કે, તેઓ જોડાશે નહીં પરંતુ સૂત્રોના તો દાવા છે કે તે જોડાવવા માંગે છે. 

PASSમાંથી અત્યાર સુધી કોણ કઈ પાર્ટીમાં જોડાયું  

PASSમાંથી અત્યાર સુધી  કોંગ્રેસ પાર્ટીમાં લલિત વસોયા, લલિત કગથરા,  કિરીટ પટેલ, અમિત પટેલ- જૂનાગઢ , તેજસ વઘાસીયા - વિસાવદર, ગીતા પટેલ, બ્રિજેશ પટેલ , મનોજ પનારા, જયેશ પટેલ, ઉદય પટેલ - ગોધરા જ્યારે ભાજપ વરુણ પટેલ, ચિરાગ પટેલ, કેતન પટેલ, રવિ પટેલ અને NCPમાં રેશ્મા પટેલ જોડાયા છે.