એલોવેરાના છોડને મોટાભાગે ઘરોની બાલકનીમાં ઉગાડવામાં આવે છે. કારણ કે તેનો ઉપયોગ ચહેરા અને લાંબા વાળની સુંદરતા વધારવા માટે કરવામાં આવે છે. પરંતુ તેના અમુક નુકસાન પણ છે.
એલોવેરામાં હોય છે ઔષધીય ગુણ
પરંતુ વધુ પડતો ઉપયોગ નુકસાનકારક
જાણો તેના નુકસાન વિશે
એલોવેરામાં ઘણા પ્રકારના ઔષધીય ગુણ હોય છે. જે આપણી સુદરતાને વધારવાની સાથે સાથે આપણા સ્વાસ્થ્ય માટે પણ કમાલના ફાયદા આપે છે. આયુર્વેદમાં એલોવેરાને ઔષધિયોનો રાજા પણ કહેવાય છે. પરંતુ તેના વધારે સેવનથી સ્વાસ્થ્યને નુકસાન પણ થઈ શકે છે. તો આવો અમે તમને એલોવેરાથી થતા ફાયદા અને નુકસાન વિશે જણાવીએ.
એલોવેરાથી થતા ફાયદા
મોટાભાગના ઘરોની બાલકનીમાં એલોવેરાના છોડ જોવા મળશે. પરંતુ શું તમને ખબર છે કે એલોવેરા શરીરમાં પોષક તત્વોની કમીને પુરી કરે છે. એલોવેરાનો જ્યુસ લેવાથી લોહીમાં હીમોગ્લોબિનની કમી પુરી થાય છે. તે ઉપરાંત એલોવેરા ડ્રાય ત્વચા, કરચલી, ચહેરા પર દાગ-ધબ્બાને દૂર કરવામાં લાભકારક છે. સાથે જ એન્ટી બેક્ટેરિયલ અને એન્ટી ફંગલ ગુણોથી ભરપુર છે. જેના સેવન સંપૂર્ણ શરીરની કાયાકલ્પ કરે છે. એલોવેરા આંખોના કાળા ઘેરાને દૂર કરવાની સાથે સાઈનસમાં પણ રાહત આપે છે.
વાળની સમસ્યા થાય છે દૂર
એલોવેરા વાળનો ગ્રોથ વધારવામાં ખૂબ ફાયદાકારક છે. જો તમે ડેન્ડ્રફની સમસ્યાથી પરેશાન છો તો તેનાથી પણ એલોવેરા છુટકારો અપાવશે. જો તમારા વાળ ખૂબ વધારે ખરે છે તો શેમ્પુ અથવા કંડિશનરની સાથે એક-બે ચમચી એલોવેરા જેલનો ઉપયોગ કરો. તેનાથી ફાયદો થશે.
વજન ઘટાવવામાં અસરદાર
આજકાલ મોટાભાગના લોકો વજન વધવાની સમસ્યાથી પરેશાન છે. જો તમે પણ આ સમસ્યાથી છુટકારો મેળવવા માંગો છો તો એલોવેરાના જ્યુસનો ઉપયોગ કરી શકો છો. જો તમે રોજ સવારે ખાલી પેટે ગરમ પાણીમાં એલોવેરા જ્યુસ મિક્સ કરીને તેનું સેવન કરો છો તો તમારૂ વજન ઝડપથી ઓછુ થવા લાગશે. જોકે તેની સાથે તમારે ડાયેટ અને ફિઝિકલ એક્ટિવિટીનું પણ ધ્યાન રાખવાનું રહેશે.
એલોવેરાથી થતા નુકસાન
એલોવેરાના ફાયદા તો અનેક છે પરંતુ તેનું વધુ સેવન નુકસાનકારક પણ હોઈ શકે છે. એલોવેરાનો વધારે ઉપયોગ કરવાથી સ્કિન પર રેશિઝ, ખંજવાડ અને રેડનેસની સમસ્યા થાય છે. એલોવેરા વજન ઘટાડવામાં મદદ કરે છે. પરંતુ વધારે ઉપયોગથી શરીરમાં પાણીની કમી થઈ શકે છે. તેની સાથે જ એલોવેરાનું સતત સેવન બ્લડ પ્રેશનને ઓછુ કરી શકે છે અને આ શરીરમાં પોટેશયમના પ્રમાણને ઓછુ કરી શકે છે. જેનાથી હાર્ટબીટ અનિયમિત થઈ શકે છે અને શરીરમાં કમજોરી આવી શકે છે. માટે એલોવેરાનો વધુ ઉપયોગ કરવાથી બચો.