સાઉથ સ્ટાર અલ્લૂ અર્જુન છેલ્લાં ઘણા દિવસોથી પોતાની ફિલ્મ પુષ્પાને લઇને ચર્ચામાં રહ્યાં છે. ફિલ્મમાં અલ્લૂ ઘણા કાયદા તોડતા અને પોલીસ સામે દુશ્મની લેતા બતાવી રહ્યાં છે.
અલ્લૂ અર્જુને લક્ઝરી એસયુવી પર કાળી ફિલ્મ દર્શાવી હતી
જેને પગલે હૈદ્રાબાદ ટ્રાફિક પોલીસે નિયમ તોડવાના ઉલ્લંઘનમાં દંડ ફટકાર્યો
અલ્લૂ અર્જુનને કાયદો તોડવો ભારે પડ્યો
ફિલ્મમાં કાયદો તોડનારા અલ્લૂને રિયલ લાઈફમાં આવુ કરવુ ભારે પડ્યુ છે. હૈદ્રાબાદ ટ્રાફિક પોલીસે અલ્લૂ અર્જુનને નિયમ તોડવાના ઉલ્લંઘનમાં દંડ ફટકાર્યો છે અને તેમની પાસેથી દંડ વસુલવામાં આવ્યો છે. પ્રાપ્ત માહિતી મુજબ અલ્લૂ અર્જુનની રેન્જ ઓવર લક્ઝરી એસયુવી પર કાળી ફિલ્મ દર્શાવી હતી. જેના કારણે હૈદ્રાબાદ પોલીસે તેની પર દંડ ફટકાર્યો. ઉલ્લેખનીય છે કે દેશમાં કારની બારીઓ પર કાળી ફિલ્મનો ઉપયોગ કરવાનો પ્રતિબંધ છે.
આ પ્રતિબંધ હોવા છતાં રેન્જ ઓવરના કાચ પર કાલી ફિલ્મ લગાવવા માટે પોલીસે અલ્લૂ અર્જુન પર 700 રૂપિયાનો દંડ ફટકાર્યો હતો. ઉલ્લેખનીય છે કે આની પહેલા અલ્લૂ અર્જુન સિવાય વધુ એક અભિનેતા કલ્યાણ રામનુ પણ ટ્રાફિક ભંગના નિયમમાં નામ સામે આવ્યું હતું.