તેલૂગુ સુપરસ્ટાર અલ્લૂ અર્જૂન પાસે લક્ઝૂરિયસ કારનું સારો કલેક્શન છે. અર્જૂનની કારની લિસ્ટના કલેક્શનમાં વધુ એક નામ જોડાઇ ગયુ છે. અલ્લૂ અર્જૂને તાજેતરમાં જ એક વેનિટી વાન ખરીદી છે.
જોકે અલ્લૂ અર્જૂને આ વાતની ખબર પોતાના સોશ્યલ મીડિયા પર આપી છે. એક્ટરે પોતાની વેનિટી વાનના ફોટો શૅર કરીને પોતાના ફેનનો આભાર માન્યો છે. તેણે લખ્યુ છે કે, ''જ્યારે પણ હું જીવનમાં કંઈક નવું ખરીદું છું તો મારા મનમાં એક જ વાત હોય છે કે લોકો મને પ્રેમ કરે છે. આ તેમના પ્રેમની તાકત છે કે હું આ વેનિટી વેન ખરીદી શક્યો. હંમેશા આભાર...તમામનો આભાર. આ મારી વેનિટી વેન FALCON છે.''
Every time I buy something big in my life... there is only one thought in my mind ... “ People have showered soo much love...it’s the power of their love that I am being able to buy all this “ Gratitude forever . Thank you all ❤️. It’s my Vanity Van “FALCON” pic.twitter.com/pSRBjIFfy0
મીડિયા રિપોર્ટ્સ અનુસાર, અર્જૂનની આ વેનિટી વાનની કિંમત 7 કરોડની આસપાસ છે. અર્જૂનની નવી વેનિટીને Reddy Customes દ્વારા સ્પેશિયલી કસ્ટમાઇઝ્ડ અને ડિઝાઇન કરવામાં આવી છે. કહેવાય છે કે, Reddy Customes વેનિટી વાનને તૈયાર કરવા માટે 5 મહિના જેટલો સમય લીધો હતો. માત્ર ઇન્ટરિયર પાછળ 3.5 કરોડનો ખર્ચ કરવામા આવ્યો છે, જ્યારે આ વાનની કિમંત 7 કરોડથી પણ વધુ હોવાની ચર્ચા છે.
આ લક્ઝૂરિયસ વેનિટી વાનમાં અલ્લૂ અર્જૂનના નામનો લોકો AA પણ લગાવવામા આવ્યો છે. આ વેનિટી વાનમાં એક રિક્લાઈનર છે, જેનો ઉપયોગ અલ્લુ મિટિંગ્સની સાથે સાથે ટીવી જોવા માટે કરી શકે છે. આ સિવાય આરામ કરવા માટે તથા ફ્રેશ થવા માટે લક્ઝૂરિયસ સુવિધાઓ છે.
2 વર્ષની ઉંમરથી કરે છે ફિલ્મોમાં કામ:
2 વર્ષની ઉંમરથી અલ્લૂ અર્જૂન ફિલ્મ્સમાં કામ કરે છે.1985માં આવેલી પહેલુ તેલુગુ ફિલ્મ 'વિજેતા'માં ચાઈલ્ડ આર્ટિસ્ટ તરીકે જોવા મળ્યો હતો. જોકે, 2003માં આવેલી ફિલ્મ 'ગંગોત્રી'માં લીડ રોલ પ્લે કર્યો હતો. અત્યાર સુધી અલ્લૂ અર્જૂને 'આર્ય', 'આર્ય 2', 'યેવડૂ', 'ના ઈલૂ ઈન્ડિયા' સહિત 20 જેટલી ફિલ્મ્સમાં કામ કર્યું છે. તેની ત્રણ ફિલ્મ્સ 'એએ 19', 'એએ 20' તથા 'આઈકોન'નું હાલમાં શૂટિંગ ચાલી રહ્યું છે.