લ્મના પહેલા ભાગનું નામ 'પુષ્પા ધ રાઇઝ' હતું અને બીજા ભાગનું નામ 'પુષ્પા ધ રૂલ' હશે. એક મીડિયા રિપોર્ટ અનુસાર આ ફિલ્મ આવતા વર્ષે જાન્યુઆરીમાં રિલીઝ થશે.
પહેલા ભાગનું નામ 'પુષ્પા ધ રાઇઝ' હતું અને બીજા ભાગનું નામ 'પુષ્પા ધ રૂલ' હશે
બૉલીવુડના બૉયકોટ વચ્ચે ફેન્સ જોઈ રહ્યા છે અલ્લુ અર્જુનના ફિલ્મની રાહ
'પુષ્પા-2' માટે અલ્લુ અર્જુને લીધી આટલા કરોડ ફી
અલ્લુ અર્જુનની ફિલ્મ 'પુષ્પા ધ રાઇઝ' બોક્સ ઓફિસ પર સુપર હિટ સાબિત થઈ હતી. લોકોએ તેને ઘણી પસંદ કરી હતી. હાલ ખૂબ જલ્દી આ ફિલ્મના બીજા ભાગનું શૂટિંગ શરૂ થવા જઈ રહ્યું છે. જો કે તેના માટે એક પૂજાનું પણ આયોજન કરવામાં આવ્યું હતું જેની તસવીરો હાલ સોશ્યલ મીડિયા પર ખૂબ વાયરલ થઈ હતી. તમને જણાવી દઈએ કે ફિલ્મના પહેલા ભાગનું નામ 'પુષ્પા ધ રાઇઝ' હતું અને બીજા ભાગનું નામ 'પુષ્પા ધ રૂલ' હશે. એક મીડિયા રિપોર્ટ અનુસાર આ ફિલ્મ આવતા વર્ષે જાન્યુઆરીમાં રિલીઝ થશે.
અલ્લુ અર્જુનની ફી અધધ કરોડ
એ મીડિયા રિપોર્ટમાં જણાવ્યા મુજબ અલ્લુ અર્જુન આ ફિલ્મ માટે 125 કરોડ રૂપિયા ફી લઈ રહ્યા છે. સાથે જ ફિલ્મના ડિરેક્ટર સુકુમાર આ ફિલ્મ માટે 50 કરોડ અને અભિનેત્રી રશ્મિકા મંદાના 5 કરોડ રૂપિયા લઈ રહ્યા છે. જાન્યુઆરીમાં વર્લ્ડવાઈડ આ ફિલ્મ રિલીઝ કરવામાં આવશે.
ફેન્સ જોઈ રહ્યા છે રાહ
એક તરફ જ્યાં બૉલીવુડને બૉયકોટ કરવાની માંગ ઉઠી રહી છે એવામાં અલ્લુ અર્જુનની ફિલ્મની લોકો અત્યારથી જ રાહ જોઈ રહ્યા છે. સોશ્યલ મીડિયા પર લોકો આ ફિલ્મ રિલિઝને લઈને ઘણા ઉતાહિત દેખાય રહ્યા છે.
સપ્ટેમ્બરમાં શરૂ થશે ફિલ્મની શૂટિંગ
મીડિયા રિપોર્ટ્સ અનુસાર આ ફિલ્મની શૂટિંગ સપ્ટેમ્બર મહિનામાં શરૂ થશે. તમને જણાવી દઈએ કે અલ્લુ અર્જુનની ફિલ્મ 'પુષ્પા ધ રાઇઝ' 21 સપ્ટેમ્બર 2021ના દિવસે રિલીઝ થઈ હતી. આ ફિલ્મ તેલુગુ ભાષામાં બની હતી પણ હિંદીભાષામાં તેને ડબ કરીને રિલીઝ કરવામાં આવી હતી. સાઉથ સહિત હિંદી દર્શકોને પણ અલ્લુ અર્જુનની ફિલ્મ 'પુષ્પા ધ રાઇઝ' ઘણી પસંદ આવી હતી.
વર્ષની સૌથી મોટી ફિલ્મ 'પુષ્પા'
અલ્લુ અર્જુનની 'પુષ્પા' વર્ષ 2021ની સૌથી મોટી ગ્રોસિંગ ફિલ્મ સાબિત થઇ હતી. એટલું જ નહી આ ફિલ્મને દાદા સાહેબ ફાલકે ઇન્ટરનેશનલ ફિલ્મ ફેસ્ટીવલ એવોર્ડ 2022માં 'ફિલ્મ ઓફ ધ યર' એવોર્ડ મળ્યો હતો. ફિલ્મના સોન્ગ્સને ખૂબ જ પસંદ આવ્યા હતા. 'પુષ્પા'નો જાદૂ લોકો પર એવો ચઢ્યો હતો કે તેના ડાયલોગ્સ પર સામાન્ય લોકો જ નહી, સેલેબ્સ પણ વીડિયો બનાવીને સોશિયલ મીડિયા પર શેર કરતાં હતા. આ ફિલ્મમાં અલ્લુ અર્જુન અને રશ્મિકા મંદાનાની કેમેસ્ટ્રીને ખૂબ જ પસંદ કરવામાં આવી હતી.