Pegasus Snooping / કથિત જાસૂસી કાંડમાં રાજનીતિના 'મોટા માથાઓ'ના નામ સામે આવતા ખળભળાટ, પોતાના મંત્રીઓને પણ ન છોડાયા

• પેગાસસ જાસૂસી કાંડ મામલે ધ વાયરનો સનસનાટીભર્યો દાવો
• રાહુલ ગાંધી-પ્રશાંત કિશોર, અભિષેક બેનરજીના ફોન ટેપ કરાયા
• કેન્દ્રીય મંત્રીઓ અશ્વિની વૈષ્ણવ, પ્રહલાદ પટેલની પણ જાસૂસી કરાઈ 

રાહુલ ગાંધીના બે ફોન ટેપ કરાયા 
રાહુલ ગાંધીના ઓછામાં ઓછા બે ફોન ટેપ કરાયાનો દાવો ધ વાયરે કર્યો છે. રાહુલ ગાંધીના બે મોબાઈલ સહિત 300 ભારતીયોના નંબર એનએનએસોના લિસ્ટમાં હતા. એનએસઓ ઈઝરાઈલી કંપની છે જે પેગાસસ સોફ્ટવોર બનાવે છે. રિપોર્ટમાં દાવો કરાયો કે કેન્દ્રની મોદી સરકારે ઈઝરાઈલી સોફ્ટવેર પેગાસસની મદદથી ફોન ટેપ કરાવ્યા અને દેશના ઘણા પત્રકારો, નેતાઓ અને જજો તથા એક્ટિવિસ્ટોની જાસૂસી કરાવી.

રાહુલના પાંચ મિત્રોની પણ જાસૂસી થઈ 
ધ વાયરના રિપોર્ટમાં એવો પણ દાવો કરાયો કે પેગાસસ દ્વારા રાહુલ ગાંધીના બે ફોન ટેપ કરાયા. તેમના 5 દોસ્તોની પણ જાસૂસી પણ કરાઈ હોવાનો દાવો છે. 

પ્રશાંત કિશોર, મમતાના ભત્રીજા અભિષેકના પણ ફોન ટેપ કરાયા 
પ્રશાંત કિશોરની પણ થઈ જાસૂસી રિપોર્ટમાં તો એવું પણ કહેવાયું છે કે ચૂંટણી રણનીતિકાર પ્રશાંત કિશોર, મમતા બેનરજીના ભત્રીજા અભિષેક બેનરજી તથા પૂર્વ ચૂંટણી કમિશનર અશોક લવાસાની પણ જાસૂસી કરાઈ હતી. 

કેન્દ્રીય મંત્રીઓને પણ ન છોડાયા તેમની પણ જાસૂસી થઈ હોવાનો દાવો 

ધ વાયરના રિપોર્ટમાં એવું પણ કહેવામાં આવ્યું છે કે કોંગ્રેસના નેતા ઉપરાંત કેન્દ્રીય સંસ્કૃતિ મંત્રી પ્રહલાદ પટેલ અને સંસદમાં સરકારનો બચાવ કરનારા IT મિનિસ્ટર અશ્વિની વૈષ્ણવના ફોન પણ હેકિંગ ટાર્ગેટમાં હતા. અહેવાલમાં જે નામનો ઉલ્લેખ કરવામાં આવ્યો છે તેમા મહત્વની આ વ્યક્તિનો સમાવેશ થાય છે.

કોર્ટની સ્ટાફરને વર્ષ 2018માં નોકરીમાંથી કાઢવામાં આવી હતી
જે સ્ટફરનો નંબર ટાર્ગેટ કરવામાં આવ્યો હતો તેને નોકરીમાંથી ડિસેમ્બર,2018માં કાઢી મુકવામાં આવી હતી. તેના એક સપ્તાહ બાદ તેણે આરોપ લગાવ્યો હતો કે CJIની હરકતનો વિરોધ કરવાના સંજોગોમાં આ પગલું ભરવામાં આવ્યું છે. 20 એપ્રિલના રોજ સ્ટાફરે એક એફિડેવિડ મારફતે પોતાના આરોપ નોંધાવ્યા હતા. ફ્રાંસની નોન પ્રોફિટ ફોરબિડન સ્ટોરી મીડિયા પાસે તેની યાદી છે, જેને ટાર્ગેટ કરવામાં આવ્યા હતા.

CJI પર આરોપ લાગ્યા બાદ બની હતી ટાર્ગેટની યાદી
ફ્રાંસના મીડિયાએ જણાવ્યું હતું કે CJI પર આરોપ લાગ્યા બાદ જ આ સ્ટાફરને ટાર્ગેટની યાદીમાં સામેલ કરવામાં આવેલ. જે લીક રેકોર્ડ ફાંસીસ મીડિયા પાસે છે, તે પ્રમાણે મહિલાના 3 નંબર ઉપરાંત તેના પતિ અને બે ભાઈઓના 8 નંબરને પણ માર્ક કરવામાં આવ્યા હતા. આ નંબરોને પણ તે સપ્તાહમાં સર્વિલન્સ માટે સંભવિત કેન્ડિડેટ્સમાં સામેલ કરવામાં આવ્યા હતા.

કયા કયા નેતાઓની જાસૂસી થઈ હોવાનો આરોપ 

વિપક્ષના નેતા રાહુલ ગાંધી અને બંગાળના મુખ્યમંત્રી મમતા બેનર્જીના ભત્રીજો અભિષેક બેનર્જીના ફોન પણ આ યાદીમાં સામેલ હતા. 2. સંસદમાં સરકાર બચાવનાર IT મિનિસ્ટર અશ્વિની વૈષ્ણવનું નામ પણ આ યાદીમાં સામેલ હતું. 3. ચૂંટણી રણનીતિકાર પ્રશાંત કિશોરનું નામ પણ આ યાદીમાં સામેલ છે. 4. ભૂતપુર્વ ચૂંટણી વડા અશોક લવાસાનું નામ પણ આ યાદીમાં સામેલ છે, જેમણે વર્ષ 2009માં ચૂંટણીમાં મોદી-શાહ સામે થયેલી ફરિયાદ અંગે ચૂંટણી પંચના નિર્ણયથી અસહમતિ દર્શાવી હતી.