ખરીદ-વેચાણ / મહેસાણા જિલ્લામાં પંચાયતમાં કોંગ્રેસની ટિકિટો રૂપિયા લઈને વેચાણી હોવાના આક્ષેપ, ઓડિયો વાઈરલ

• ટિકિટ માટે રૂપિયાની માગણી
• ઓડિયો ક્લીપ થઈ વાયરલ
• કોંગ્રેસના જશુ પ્રજાપતિ માગી રહ્યા છે રૂપિયા

મહેસાણા જિલ્લામાં પંચાયતમાં કોંગ્રેસની ટિકિટો રૂપિયા લઈને વેચાઈ હોવાના આક્ષેપ થયા છે. જિલ્લા પંચાયતની ટિકિટ માટે એક લાખ રૂપિયાની માગણી કરવાના આક્ષેપો થયા છે. કાંસા બેઠક માટે સ્મિતલ રાઠોડે ટિકિટ માગી હતી. સ્મિતલ રાઠોડના સસરાએ સેવાદળના મહેસાણા પ્રમુખ સાથે વાતચીત કરી હતી.

રૂપિયાની માગણીનો એક ઓડિયો ક્લીપમાં વાઈરલ થયો છે. ટિકિટ માટે એક લાખની માગણીનો ઓડિયો સામે આવ્યો છે. ઓડિયો ક્લીપમાં જિલ્લા કોંગ્રેસ પ્રમુખ રાજેન્દ્રસિંહ દરબારનું પણ નામ સામે આવી રહ્યું છે. સેવાદળના પ્રમુખ જશુ પ્રજાપતિ સાથે બિપિન રાઠોડ વાતચીત કરી રહ્યા હોવાના આક્ષેપ છે. જો કે, Vtv કોઈપણ ઓડિયોની ખરાઈ કરતું નથી.