કૌભાંડ / સૌરાષ્ટ્ર યુનિવર્સિટીમાં ફરી ધણધણ્યું કૌભાંડનું ભૂત, ભાજપ સિન્ડિકેટ સભ્યોએ કર્યું એવું કે છંછેડાયો મોટો વિવાદ

• સૌરાષ્ટ્ર યુનિવર્સિટીમાં ભરતીમાં કૌભાંડના આક્ષેપ
• ફિક્સ પગારના આસિ.પ્રોફેસરની ભરતીમાં કૌભાંડનો આક્ષેપ
• ભાજપ સિન્ડિકેટ સભ્યોએ મનગમતા નામો આપ્યાની ચર્ચા

સૌરાષ્ટ્ર યુનિવર્સિટીમાં કરાર આધારિત અધ્યાપકોની નિમણુકમાં વ્હાલા દવલાંની નીતિ અપનાવાતી હોવાને મામલે વિવાદ સર્જાયો છે,ભાજપના સિન્ડિકેટ સભ્યોએ ‘ખાસ’ ગ્રૂપ બનાવી મનગમતા નામો આપ્યાનું સામે આવતા જ યુનિવર્સિટી ખાતે NSUIના કાર્યકરો દ્વારા વિરોધ નોંધાવવામાં આવ્યો છે અને તેમના દ્વારા ભરતીની પ્રક્રિયા રદ્દ કરવામાં આવે તેવી માંગ કરી છે. જો કે હાલ તો સમગ્ર મામલે તપાસના આદેશ આપી દેવામાં આવ્યા  છે. સૌરાષ્ટ્ર યુનિવર્સિટીમાં ભરતી કૌભાંડને લઈ શિક્ષણમંત્રી હરકતમાં આવ્યા છે, તેમણે કુલપતિ સાથે ફોન પર જીતુ વાઘાણી કરી વાત શિક્ષણમંત્રીએ ભરતી અંગે વિગતો મેળવી ભરતી પ્રક્રિયા પારદર્શિતા, મેરીટને આધારે કરવામાં આવે તેવી સૂચના આપી છે. તેમજ સમગ્ર મામલે શિક્ષણ વિભાગના અગ્ર સચિવને કાર્યવાહી કરવા સૂચના આપી છે. 

ફિક્સ પગારના આસિ.પ્રોફેસરની ભરતીમાં કૌભાંડનો આક્ષેપ

NSUI દ્વારા  આસિસ્ટન્ટ પ્રોફેસરની ભરતી મામલે યોગ્ય કાર્યવાહી કરવામાં આવે, તેમજ પ્રોફેસરની ભરતી કરવામાં સંડોવાયેલા તમામના મોબાઈલ FSL જવા કરાવી તપાસ કરવામાં આવે તેવી માંગ કરવામાં આવી છે. મહત્વનું છે કે  12 ભવનમાં 23 આસિ.પ્રોફેસરની ભલામણ ઓન સ્ક્રીન થયાનો આરોપ NSUI દ્વારા લગાવવામાં આવી રહ્યો છે, તો હવે કોંગ્રેસ પણ મેદાને આવી છે ત્યારે આ ભરતી કૌભાંડનો ઉગ્ર વિરોધ જોવા મળી રહ્યો છે, સૌરાષ્ટ્ર યુનિવર્સિટીમાં 29માંથી 26 વિભાગમાં 88 ભરતીમાં કૌભાંડનો આરોપ લાગી રહ્યા છે. ત્યારે સમગ્ર મામલે તપાસ હાથ ધરવામાં આવે તેવી NSUI એ માંગ કરી છે.  

ભાજપ સિન્ડિકેટ સભ્યોએ મનગમતા નામો આપ્યાની ચર્ચા

2016ની UGCની હાલની સ્કીમના સ્થાને 2016ની જૂની સ્કીમ મુજબ ઈન્ટરવ્યૂનો આક્ષેપ NSUI દ્વારા કરવામાં આવ્યો છે તેમજ ભરતી અંગે વોટ્સએપ ગૃપમાં ચર્ચા થઈ હોવાનો પણ દાવો કરવામાં આવ્યો છે. જ્યારે બીજી તરફ સિન્ડિકેટ સભ્ય ભરત રામાનુજે સ્પષ્ટતા કરતા કહ્યું છે કે  NSUIએ લગાવેલા આરોપોમાં તથ્ય નથી, ઘણા સમયથી અમે વોટ્સએપ ગૃપ બનાવ્યું હતું જેમાં મેં અથવા અન્ય કોઈ સભ્યએ ભલામણ શબ્દ લખ્યો નથી અમારા વોટ્સએપ ગૃપમાં ભલામણ શબ્દનો ઉલ્લેખ જ નથી જ્યારે NSUIના આરોપ પર યુનિવર્સિટીએ સ્પષ્ટતા કરી છે કે, હજુ કોઈપણ નામ જાહેર કરવામાં આવ્યા નથી તો ભરતીમાં કૌભાંડનો કોઈ વાત જ નહી, યુનિવર્સિટીએ મેરિટના આધારે જ ભરતી કરવામાં આવે છે તેવું જણવ્યું છે. જો કે હાલ તો સમગ્ર મામલે તપાસના આદેશ આપી દેવામાં આવ્યા  છે. સૌરાષ્ટ્ર યુનિવર્સિટીમાં ભરતી કૌભાંડને લઈ શિક્ષણમંત્રી હરકતમાં આવ્યા છે, તેમણે કુલપતિ સાથે ફોન પર જીતુ વાઘાણી કરી વાત શિક્ષણમંત્રીએ ભરતી અંગે વિગતો મેળવી ભરતી પ્રક્રિયા પારદર્શિતા, મેરીટને આધારે કરવામાં આવે તેવી સૂચના આપી છે. તેમજ સમગ્ર મામલે શિક્ષણ વિભાગના અગ્ર સચિવને કાર્યવાહી કરવા સૂચના આપી છે. હવે જોવાનું રહ્યું ખરેખર ભરતી કરવામાં કૌભાંડ થયું છે કે નહીં