હાલમાં જ અમેરિકાની એક કોર્ટે આ કેસમાં ક્રિસ્ટિયાનો રોનાલ્ડોને નિર્દોષ જાહેર કર્યો હતો પરંતુ મોડલે હવે આ નિર્ણય વિરુદ્ધ અરજી દાખલ કરી છે.
13 વર્ષ જૂના રેપ કેસમાં કેથરીન મેયોર્ગાએ ફરી એકવાર કોર્ટમાં અરજી કરી
કોર્ટે આ કેસમાં ક્રિસ્ટિયાનો રોનાલ્ડોને નિર્દોષ જાહેર કર્યો હતો
મોડલે હવે આ નિર્ણય વિરુદ્ધ અરજી દાખલ કરી છે.
પોર્ટુગલના સ્ટાર ફૂટબોલર ક્રિસ્ટિયાનો રોનાલ્ડો ફરી એકવાર મુશ્કેલીમાં ફસાયા છે. 13 વર્ષ જૂના રેપ કેસમાં કેથરીન મેયોર્ગા નામની મોડલે ફરી એકવાર અમેરિકાની કોર્ટમાં અરજી કરી છે. મોડલે દાવો કર્યો હતો કે 2009માં લાસ વેગાસની એક હોટલમાં ક્રિસ્ટિયાનો રોનાલ્ડોએ તેનો રેપ કર્યો હતો. જણાવી દઈએ કે 36 વર્ષની કેથરીન મેયોર્ગાએ ઘણા લાંબા સમય પહેલા રોનાલ્ડો પર રેપ કરવાનો આરોપ લગાવ્યો હતો. આ પછી મામલો લાંબા સમય સુધી કોર્ટમાં ચાલ્યો હતો. હાલમાં જ અમેરિકાની એક કોર્ટે આ કેસમાં ક્રિસ્ટિયાનો રોનાલ્ડોને નિર્દોષ જાહેર કર્યો હતો પરંતુ મોડલે હવે આ નિર્ણય વિરુદ્ધ અરજી દાખલ કરી છે.
બે વખત આવી ગયો છે નિર્ણય
તમને જણાવી દઈએ કે કેથરીન મેયોર્ગા નામની મોડલે રેપનો આરોપ લગાવતા રોનાલ્ડો પાસેથી 3,75,000 ડોલરના નુકસાનની માંગણી કરી હતી અને એ પછી ત્યાર મામલો કોર્ટમાં પહોંચ્યો હતો. લાંબા સમયથી ચાલી રહેલા કેસમાં આ વર્ષે જૂનમાં અમેરિકી કોર્ટમાં જજ જેનિફર ડોર્સીએ આ કેસમાં પોતાનો ચુકાદો આપીને ક્રિસ્ટિયાનો રોનાલ્ડોને નિર્દોષ જાહેર કર્યો હતો.
42 પેજના એ ઓર્ડરમાં કહેવામાં આવ્યું હતું કે કેથરીન મેયોર્ગાના વકીલે નિયમો મુજબ કેસ નથી લડ્યો. જે ફરિયાદની અરજી આપવામાં આવી હતી તેની પ્રક્રિયા સાચી નથી અને તેને કારણે આ કેસ કોર્ટમાં આગળ નહીં જાય અને તેને કારણે અદાલતે આ મામલો રદ્દ કરી દીધો હતો. આ કેસમાં વર્ષ 2019માં અદાલતે કહ્યું હતું કે ક્રિસ્ટિયાનો રોનાલ્ડો પર કોઈ કેસ ફાઇલ નથી થઈ શકતો.
30 hat-tricks before 30 and 30 hat-tricks after 30. It’s time to unbalance the scale! 💪🏽 pic.twitter.com/McgGZBmzyh
હવે મંગળવારે થશે સુનાવણી
એક રિપોર્ટ અનુસાર આ વખતે મોડલ કેથરીન મેયોર્ગાએ નાઈનમી સર્કિટ માટે યુએસ કોર્ટ ઓફ અપીલમાં બરતરફીની કલમ હેઠળ અરજી દાખલ કરી છે. હવે આ કેસની સુનાવણી મંગળવારે એટલે કે 23 ઓગસ્ટના રોજ એક કલાક સુધી ફોન દ્વારા કરવામાં આવશે.