આરોપ / IPS મોહિત જાની અને પત્નીએ નોકરીના બહાને અરજદારો પાસેથી લાખો રૂપિયા ખંખેર્યાના આક્ષેપ, ગૃહ રાજ્યમંત્રી પાસે પહોંચ્યો મામલો

• IPS અધિકારી સામે છેતરપિંડીનો આરોપ
• IPS  અધિકારી એમ.ડી.જાની સામે છેતરપિંડીનો આક્ષેપ
• પતિ-પત્નીએ નોકરીને બહાને નાણાં પડાવ્યાનો ગંભીર આરોપ

IPS મોહિત જાની સામે છેતરપિંડીનો આરોપ લાગ્યો છે. નોકરી આપવાના બહાને અરજદારો પાસે 50 લાખ રૂપિયા ઉઘરાવવામાં આવ્યા છે. સરકારી નોકરી આપવાના બહાને 10 અરજદારોએ ગંભીર  આક્ષેપ લગાવ્યા છે.

50 લાખ ઉઘરાવવાનો ગંભીર આક્ષેપ
IPS મોહિત જાની સામે છેતરપિંડીનો આરોપ લાગ્યો છે. જેમના પર રૂપિયા 50 લાખ ઉઘરાવવાનો ગંભીર આક્ષેપ લગાવવામાં આવ્યો છે. નોકરી માટે અરજદારો વારંવાર રજૂઆત કરી ચૂક્યા છે.  IPS મોહિત જાની અને તેમની પત્ની નોકરી માટે બહાના બનાવતા હતા અને અંતે અરજદારોએ ગૃહ રાજ્યમંત્રી અને DG કક્ષાએ રજૂઆત કરી છે. IPS મોહિત જાનીના પત્નીનો પૈસા અંગેનો વીડિયો સામે આવ્યો છે. અરજદારોને ધમકાવવામાં આવતા હોવાની પણ ફરિયાદ નોંધાઈ છે. તમને જણાવી દઈએ કે, મોહિત જાની હાલ કમાંડન્ટ તરીકે SRP ગ્રુપ-6માં ફરજ બજાવે છે તેઓ SRP ગ્રુપ-6માં સાબરકાંઠાના મૂળેટી ખાતે ફરજ બજાવે છે.

અરજદારે શુ આક્ષેપ કર્યો છે
અરજદારે આક્ષેપ કર્યો છે કે, વડોદરા ખાતે અમે મોહિત જાનીના બંગ્લે આસિસ્ટન્ટ કુક તરીકે 3 વર્ષ ફરજ પર હતા તે દરમિયાન મોહિત જાની અને તેમના પત્ની જાગૃતિબેન અમને જણાવેલું કે, અમારે કાયદેસરની વર્ગ-4ની કાયમી ભરતી કરવાનું ડેન્ડર આવેલું છે જો કોઈ યોગ્ય છોકરાઓ હોય તો તે મને જાણકારી આપ અને જેમાં આઠ છોકરાના નામ આપ્યાં હતાં. અરજીમાં આક્ષેપ છે કે,IPS માહિત અને તમેના પત્ની મને કહ્યું કે, કાયમી નોકરીના ઓર્ડર આપવાના હોવાથી એક વ્યક્તિ દીઠ પાંચ લાથ એમ કુલ 50 લાખની માંગણી કરી હતી અને જે અમે આપ્યા છે. જે બદલ નોકરી કે નાણાં પરત આપેલા નથી.

જુઓ સમગ્ર અરજી..