ગેંગરેપ / હાથરસ ઘટનામાં હાઈકોર્ટનું સખત વલણ, રાજ્ય સરકારને નોટિસ, DM-SPને સમન્સ

• હાઈકોર્ટે ઉત્તરપ્રદેશ સરકારને ફટકારી નોટિસ 
• DM અને SPને હાઈકોર્ટે પાઠવ્યું સમન્સ 
• પીડિતા સાથે બર્બર, ક્રૂર અને અમાનવિય વ્યવહાર પર માગ્યો જવાબ

અલ્હાબાદ કોર્ટે આ મામલે ચિંતા વ્યક્ત  કરતા યુપી સરકાર, હાથરસના DM અને SPને પણ સમન્સ પાઠવ્યું છે. કોર્ટે પીડિતા સાથે હાથરસ પોલીસના બર્બર, ક્રૂર અને અમાનવીય વ્યવહાર પર રાજ્ય સરકાર પાસે પણ જવાબ માગ્યો છે. પીઠ  આ મામલે 12 ઓક્ટોબરે સુનાવણી કરશે.

આ કેસમાં શરૂઆતથી જ તંત્ર પર સવાલ ઉઠતા રહ્યા છે. પણ હવે પીડિતાના પરિવારજનોએ પણ DM પર ગંભીર આરોપ લગાવ્યો છે. પરિવારે DM પર ધમકી આપવા અને દબાણ કરવાનો આરોપ લગાવ્યો છે. 

DMનો એક વીડિયો વાયરલ થયો છે. જેમાં DM કહી રહ્યા છે કે મીડિયા કાલે ચાલી જશે પણ તંત્રએ અહીં જ રહેવાનું છે. પરિવારે આરોપ લગાવ્યો છે કે કેસ રફે દફે કરવા માટે દબાણ કરવામાં આવી રહ્યું છે.

હાઈકોર્ટે ઉત્તરપ્રદેશ સરકારને નોટિસ ફટકારી છે. હાથરસની ઘટના પર અલાહાબાદ હાઈકોર્ટ સખત વલણ અપનાવ્યું છે 12 ઓક્ટોબરે કોર્ટમાં સુનાવણી કરવામાં આવશે.

નોંધનીય છે કે પોલીસે પરિવારની ગેરહાજરીમાં અડધી રાતે પરિવારની મરજી વિરુદ્ધ પીડિતાનો અંતિમ સંસ્કાર કરી દીધો હતો. જેને પગલે દેશમાં રોષ જોવા મળી રહ્યો છે. ઉલ્લેખનીય છે કે UPના હાથરસમાં યુવતી પર ગેંગરેપના મામલામાં પીડિતાનું સફદરજંગ હોસ્પિટલમાં અવસાન થયું છે.  યુવતીના સંબંધીઓએ આ વાતની પુષ્ટિ કરી છે. 15 દિવસ પહેલા  14 સપ્ટેમ્બરના રોજ હાથરસમાં યુવતી પર ગેંગ રેપ થયો હતો. 4 આરોપીઓએ યુવતી સાથે ક્રૂરતા પૂર્વક દુષ્કર્મ આચર્યું હતું. યુવતીને અત્યંત ગંભીર હાલતમાં હોસ્પિટલ દાખલ કરાઈ હતી.  હોસ્પિટલમાં સારવાર દરમિયાન યુવતીએ જીવ ગુમાવ્યો હતો. ઘટનાની જાણ કોઈને ન કરી શકે તે માટે નરાધમોએ તેની કરોડરજ્જુ તોડી નાંખ્યો હતો. તેની જીભ પણ કાપી નાંખી બર્બરતા આચરી હતી.  ઉલ્લેખનીય છે કે પીડિતાએ ચાર આરોપીઓની ઓળખ કરી છે. રામુ, લવકુશ, રવિ અને સંદીપ નામના નરાધમોની ઓળખ કરાઈ છે.