અલાહાબાદ હાઈકોર્ટે સમાજવાદી પાર્ટીના સાંસદ આજમખાનના દિકરા અબ્દુલ્લા આઝમનું ધારાસભ્ય પદ રદ કર્યું છે. ચૂંટણી સમયે અબ્દુલ્લા 25 વર્ષના ન હતા. અબ્દુલ્લાએ ખોટા દસ્તાવેજ રજૂ કર્યા હતા. અબ્દુલ્લા સ્વાર સીટથી ઉમેદવાર બન્યા હતા.
આઝમખાનને અલાહાબાદ હાઈકોર્ટનો ઝટકો
કોર્ટે દિકરા અબ્દુલ્લાની સદસ્યતા રદ કરી
ખોટી ઉંમર બતાવીને ચૂંટણી લડવાનો છે આરોપ
સમાજવાદી પાર્ટીના સાંસદ આઝમખાનને મોટો ઝટકો લાગ્યો છે. અલાહાબાદ હાઈકોર્ટે આઝમખાનના દિકરા અબ્દુલ્લા આઝમનું ધારાસભ્ય પદ રદ કર્યું છે. આરોપ છે કે ચૂંટણી લડતી સમયે અબ્દુલ્લા આઝમની ઉંમર યોગ્ય ન હતી અને તેઓએ ખોટા દસ્તાવેજ રજૂ કર્યા હતા.
હાઈકોર્ટે 27 સપ્ટેમ્બરે આપશે નિર્ણય
અબ્દુલ્લા આઝમની વિરુદ્ધમાં બસપા ઉમેદવાર રહેલા નવાબ કાઝિમ અલીએ ફરિયાદ નોંધાવી હતી. આ ફરિયાદમાં આરોપ લગાવવામાં આવ્યો છે અબ્દુલ્લાની ઉંમર 25 વર્ષની નથી. તેમની પર ખોટા દલ્તાવેજ રજૂ કરીને ચૂંટણી લડવાનો આરોપ લગાવવામાં આવ્યો છે. આ ફરિયાદ પર સુનાવણી પછી અલાહાબાદ હાઈકોર્ટે 27 સપ્ટેમ્બરે પોતાનો નિર્ણય આપવાનું નક્કી કર્યું છે. આ પછી ડસ્ટિસ એસપી કેસરવાનીની બેંચે નિર્ણય આપ્યો છે.
સ્વાર બેઠકથી ચૂંટણી જીત્યા હતા અબ્દુલ્લા
અબ્દુલ્લા આઝમ સપા સાંસદ આઝમ ખાનના નાના દીકરા છે. 2017ની યૂપી વિધાનસભા ચૂટણીમાં અબ્દુલ્લાએ પહેલીવાર ચૂંટણી લડી હતી. અબ્દુલ્લાએ રામપુરમાં સ્વાર વિધાનસભા સીટથી ચૂટણી લડી હતી. અબ્દુલ્લાએ રામપુરની સ્વાર વિધાનસભા સીટથી ચૂંટણી જીતી હતી.
50 હજારથી વધારે મતથી જીત્યા હતા અબ્દુલ્લા
2017થી વિધાનસભા ચૂંટણીમાં જ્યાં આખા યૂપીમાં બીજેપીની હવા ચાલી રહી હતી ત્યારે રામપુરમાં આજમખાન અને તેમના દિકરા અબ્દુલ્લા બંને પોતાની સીટ જીતવામાં કામયાબ રહેતા હતા. અબ્દુલ્લા આઝમે બીજેપી ઉમેદવાર લક્ષ્મી સૈનીને 50 હજારથી વધારે મતથી હરાવ્યા હતા. જ્યારે બીએસપીના નવાબ કાઝિમ અલી ત્રીજા નંબરે રહ્યા હતા.
ભાજપ નેતાએ પણ કરી હતી ફરિયાદ
આ વર્ષે જાન્યુઆરીમાં ભાજપે આકાશ સક્સેનાએ પોતાની ફરિયાદમાં આઝમ ખાનના દિકરા ધારાસભ્ય અબ્દુલ્લા આઝમ પર બે જન્મ પ્રમાણપત્ર બનાવવાનો આરોપ લગાવ્યો હતો. અબ્દુલ્લા આઝમનું જન્મનું એક પ્રમાણપત્ર 28 જૂન 2012ના રોજ રામપુર નગરપાલિકા પરિષદથી જાહેર કરાયું હતું. આ પ્રમાણપત્ર આઝમ ખાં અને ડો. તજીન ફાતિમાના શપથપત્રના આધારે તૈયાર કરાયું હતું. તેમાં અબ્દુલ્લાનું જન્મ સ્થાન રામપુર છે. અન્ય પ્રમાણપત્ર લખનઉ નગર નિગમથી બન્યુ છે તેમાં જન્મ તારીખ 21 જાન્યુઆરી 2015ની છે. જેમાં જન્મસ્થાન લખનઉ બતાવવામાં આવ્યું છે.