જરુરી ખબર / 1 સરકારી યોજનાથી ખેડૂતોને થશે 4 મોટા ફાયદા, PM મોદીએ આજની મનકી બાતમાં કર્યો ઉલ્લેખ

• કેન્દ્ર સરકારની કુસુમ યોજનાથી ખેડૂતોને થશે મોટા ફાયદા
• ખેતરોમાં પિયતની સાથે કમાણી
• કંપનીઓને વીજળી વેચી પણ શકશે
• ખેડૂતોને વર્ષે 1 લાખનો ચોખ્ખો નફો 

પીએમ મોદીએ 94મા મન કી બાતના પ્રોગ્રામાં કુસમ યોજનાનો ઉલ્લેખ કર્યો છે જે ખેડૂતોની આવક બમણી કરતી યોજના છે. આ યોજના હેઠળ ખેડૂતો ફક્ત 10 ટકા ખર્ચ સાથે પોતાના ખેતરોમાં સોલર પંપ લગાવી શકે છે, બાકીનો 90 ટકા રાજ્ય સરકાર, કેન્દ્ર સરકાર અને બેન્ક લોન દ્વારા આવશે. દેશમાં હજુ પણ મોટી સંખ્યામાં ખેડૂતો છે જે ડીઝલ એન્જિન પંપનો ઉપયોગ કરે છે. આ કારણે તેમની આવકનો એક ભાગ ડીઝલની ખરીદીમાં જાય છે. આ યોજના ખેડૂતોના આ ખર્ચને રોકવા માટે લાવવામાં આવી હતી.

કુસુમ યોજનાથી ખેડૂતોને મળશે 4 મોટા લાભ 
એક વાર ખેતરોમાં સોલર પંપ લગાડ્યા બાદ ખેડૂતોને બેઠી આવક થશે. ખેડૂતો તેમના ખેતરોમાં પિયતની સાથે સાથે કમાણી કરી શકશે. એટલું જ નહીં પરંતુ વધેલી વીજળી કંપનીઓને વેચીને પણ રોકડી કરી શકશે. તે ઉપરાંત ખેડૂતો દર વર્ષે 1 લાખ રૂપિયા સુધીનો નફો મેળવી શકે છે.

કોને મળશે લાભ? 
ખેતી સાથે સંકળાયેલા ખેડૂતો આનો લાભ લઈ શકે છે. ખેડૂતો, ખેડૂતોના જૂથો, પાક ઉત્પાદક સંસ્થાઓ, પંચાયતો, એએફપીઓ, પંચાયતો, પંચાયતો, સહકારી મંડળીઓ, જળ વપરાશકાર એકમોને તેના દાયરામાં લાવવામાં આવ્યા છે. તે બધા કુસુમ યોજના માટે અરજી કરી શકે છે. આ યોજનાની મદદથી ડીઝલથી ચાલતા પંપોને સૌર ઊર્જા પંપમાં પરિવર્તિત કરવામાં આવી રહ્યા છે, જેથી ખેડૂતોનો ખર્ચ બચાવી શકાય. સોલાર પેનલથી ઉત્પન્ન થતી વીજળીનો ઉપયોગ સૌ પ્રથમ સિંચાઈના ક્ષેત્રમાં કરવામાં આવશે. આ પછી, ખેડૂતો વધારાની વીજળી સરપ્લસ ડિસ્ટ્રિબ્યુશન કંપની (ડિસ્કોમ) ને વેચી શકશે. આનાથી આગામી 25 વર્ષ સુધી ખેડુતોને કમાણી થશે. તેની જાળવણી સરળ રહેશે. આ મદદથી ખેડૂતો દર વર્ષે 1 લાખ રૂપિયા સુધીનો નફો મેળવી શકે છે.

કેવી રીતે અરજી કરવી
અરજી કરવા માટે કુસુમ યોજનાની સત્તાવાર વેબસાઈટ www.pmkusum.mnre.gov.in પર જાઓ ધ્યાન રાખો કે તેના જેવી જ ઘણી વેબસાઈટ છે, ફ્રોડ મંત્રાલય તરફથી કહેવામાં આવ્યું છે, તેથી રજિસ્ટ્રેશન કરાવવા માટે આ સત્તાવાર વેબસાઈટ પર જાઓ. અરજી કરવા માટે ખેડૂતો ઓનલાઇન અને ઓફલાઇન અરજી કરી શકે છે. એપ્લિકેશનની લિંક વેબસાઇટના હોમ પેજ પર મળશે. લિંક ઓપન કર્યા બાદ ઓનલાઇન ફોર્મ ભરો. ફોર્મમાં રાજ્ય, સોલાર પંપની ક્ષમતા, નામ અને મોબાઇલ નંબર સહિતની અનેક માહિતી નોંધવી પડશે. આ સિવાય આઈડી પ્રૂફની કોપી જમા કરાવવાની રહેશે.