ચહેરા અને ગરદનના અણગમતા વાળને છુપાવવા માટે યુવતીઓ અને મહિલાઓ બ્લીચ કરતી હોય છે. તેનાથી અનઈવન સ્કિન ટોન પણ ઈવન લાગે છે. ફેસ પર વેક્સ કે થ્રેડિંગ કરાવવું મુશ્કેલ હોવાથી મહિલાઓ બ્લીચ વધુ કરે છે. ઘણાં લોકો પાર્લરમાં જઈને બ્લીચ કરાવે છે પણ જો તમે ઘરે જ ફેશિયલ બ્લીચ કરતા હો તો આ ટિપ્સ અજમાવશો તો જરાય આડઅસર નહીં થાય અને સ્કિન નેચરલી ગ્લો કરશે.
સૌથી પહેલાં તો બ્લીચ કરવા માટે સારી પ્રોડક્ટ પસંદ કરો. જે સારી કંપનીની હોય.
તમારી સ્કિન પ્રમાણેનું બ્લીચ પસંદ કરો, જેથી તમારી સ્કિનને તેનાથી નુકસાન ન થાય.
માર્કેટમાં બ્લીચના અનેક ઓપ્શન ઉપલબ્ધ છે તો જે તમને સૂટ થાય તે પસંદ કરો.
હમેશાં બ્લીચ કરતા પહેલાં પેચ ટેસ્ટ અવશ્ય કરો. પછી જ તેને આખા ફેસ પર લગાવો. ઘણાં લોકો પહેલીવાર બ્લીચ કરતા હોય છે અથવા તો કોઈ નવી બ્રાન્ડનું બ્લીચ ટ્રાય કરતા હોય છે એવામાં પેચ ટેસ્ટ ખૂબ જ જરૂરી સ્ટેપ છે.
જો પેચ ટેસ્ટ દરમિયાન બળતરા થાય તો એ બ્લીચ ઉપયોગમાં લેવું નહીં, કારણ કે એ તમારી સ્કિનને સૂટ નથી થઈ રહ્યું.
બ્લીચ ક્યારેય આંખની આસપાસ લગાવવું નહીં, સાથે જ નાકમાં ન જાય તેનું પણ ધ્યાન રાખવું, નહીં તો નુકસાન થઈ શકે છે.
જો તમારા ચહેરા પર દાણા, બળતરા કે ખુજલીની સમસ્યા હોય તો બ્લીચનો ઉપયોગ ભૂલથી પણ ન કરવો.
બ્લીચ કરતાં પહેલાં અને પછી સ્કિન પર ક્લીન્ઝર ન લગાવો. નહીં તો સ્કિન પર બળતરાની સમસ્યા વધી શકે છે.
બ્લીચ કરતી વખતે આઈસ ક્યૂબ હમેશાં પાસે રાખો. જો બળતરા થાય બ્લીચ લગાવ્યા બાદ તો જે-તે જગ્યાએ આઈસ લગાવી રાખો.
બ્લીચ ઠંડા પાણીથી વોશ કરો અથવા તો કોલ્ડ કંપ્રેસ સોફ્ટ ટોવેલથી પણ ક્લિન કરી શકો છો.
બ્લીચનો ઉપયોગ કરતી વખતે હમેશાં તેના એક્ટિવેટર અને ક્રીમના અનુપાતનું ધ્યાન રાખો. નહીં તો સ્કિન બર્ન કે રેડ થઈ શકે છે. જો એક્ટિવેટરનું પ્રમાણ વધી જાય તો સ્કિન પર રેશિઝ પણ થઈ શકે છે.
જો તમે 2 ચમચી બ્લીચ ક્રીમ લીધી હોય તો માત્ર 2 ચપટી જ એક્ટિવેટર મિક્સ કરવું. બ્લીચ ક્રીમ અને એક્ટિવેટરનો રેશિયો હમેશાં 4 (ક્રીમ): 2 (એક્ટિવેટર)નો રાખવો.