ફેસલો ગુજરાતનો / ક્યાંક AAPની ડિપોઝિટ ગઈ તો ક્યાંક 15 વર્ષે કમળ ખીલ્યું: આ ખાસ 7 બેઠકોમાં ચોંકાવનારા પરિણામ

• અમિત શાહના સંસદીય વિસ્તારની તમામ બેઠક ભાજપના ફાળે
• વેજલપુરમાં આમ આદમી પાર્ટીના ઉમેદવારની ડિપોઝિટ ગઈ 
• કલોલ વિધાનસભા બેઠક 15 વર્ષે ભાજપને કબજે થઈ 

ગુજરાત વિધાનસભાના પ્રથમ તબક્કાની 89 બેઠકો અને બીજા તબક્કાની 93 બેઠકોના કુલ 1621 ઉમેદવારોના ભાવિનો આજે ફેંસલો આવી ગયો છે. વિધાનસભાની 182 બેઠકો પરથી 156 સીટ પર ભાજપે વિજય પતાકા લહેરાવી દીધો છે.  ભાજપે છપ્પરફાડ વિજય મેળવીને કોંગ્રેસ અને આમ આદમી પાર્ટીના ડાંડિયા ડૂલ કરી નાખ્યાં છે. ગાંધીનગર લોકસભા મતવિસ્તારમાં ભાજપે આ વખતે પક્કડ મજબૂત કરી છે. અહીં જ અમિત શાહ પણ ચૂંટ્યા હતા તેમણે પોતાના મત વિસ્તારને વધુ મજબુત કરવા ખાસ ધ્યાન આપ્યુ અને જે પરિણામમો દેખાયું છે.

અમિત શાહના સંસદીય વિસ્તારની તમામ બેઠક ભાજપના ફાળે  
ગુજરાત વિધાનસભાની ચૂંટણીમાં અમિત શાહે મિશન ગાંધીનગર લોકસભા મતવિસ્તારની તમામ બેઠકો જીતવાનો નિર્ધાર કર્યો હતો અને તેમણે એ બેઠકો જીતાડી પણ છે. શાહે ગાંધીનગરની તમામ સાત વિધાનસભા બેઠકો જીતવાનો લક્ષ્યાંક રાખ્યો હતો. તમને જણાવી દઈએ કે, ગત ચૂંટણીમાં એટલે કે, 2017માં ભાજપે આ સાત સીટમાંથી પાંચ સીટ જીતી હતી જ્યારે બે સીટ કોંગ્રેસના ફાળે આવી ગઈ હતી. 2017માં ગાંધીનગર ઉત્તર અને કલોલ બેઠક કોંગ્રેસ જીતી હતી. 

વેજલપુરમાં AAPની ડિપોઝિટ ગઈ 
ઉલ્લેખનીય છે કે, કલોલ બેઠક છેલ્લા 15 વર્ષથી ભાજપના કબજામાં ન હતી જે પણ આ વખતે જીતી લીધી છે. અત્ર ઉલ્લેખનીય છે કે, વેજલપુર  અમિત ઠાકર(ભાજપ) જીત્યા છે ત્યા આમ આદમી પાર્ટીના ઉમેદાવારીની ડિપોજિટ પણ જપ્ત થઈ છે

ગાંધીનગર સંસદીય મતક્ષેત્રની બેઠકો પર ભાજપો ભવ્ય વિજય
ગાંધીનગર ઉત્તર - રીટાબેન પટેલ(ભાજપ) જીત્યા
 કલોલ - બકાજી ઠાકોર(ભાજપ) જીત્યા
સાણંદ - કનુભાઈ પટેલ(ભાજપ) જીત્યા
ઘાટલોડિયા - ભૂપેન્દ્ર પટેલ(ભાજપ) જીત્યા
વેજલપુર -અમિત ઠાકર(ભાજપ) જીત્યા
નારણપુરા - જીતેન્દ્ર પટેલ(ભાજપ) જીત્યા
સાબરમતી - ડૉ. હર્ષદ પટેલ(ભાજપ) જીત્યા

2017માં 2 બેઠક કોંગ્રેસના ખાતામાં ગઈ હતી
2017માં ગાંધીનગર-ઉત્તર વિધાનસભા સીટ પર કોંગ્રેસના સી જે ચાવડાએ 5736 મતથી જીત્યા હતા. કલોલની સીટ પર કોંગ્રેસના બળદેવજી ઠાકોરે 7965 મતોથી વિજય થયા હતા. જીતનુંઆ માર્જિન ઓછું હતું તેથી અમિત શાહ અને ભાજપ આ સીટો પર થોડુંક જોર લગાવ્યું હતું અને તેના પરિણામમાં ભાજપનો ભવ્ય વિજય થયો છે.

ઘાટલોડિયા, સાણંદમાં ઉમેદાવરી નોંધાવવા સમય શાહની હાજરી
અમિત શાહ તેમના મતવિસ્તારની બેઠક ઘાટલોડિયાની ઉમેદવાર મુખ્યમંત્રી ભૂપેન્દ્ર પટેલે નોંધાવી તે સમયે તે હાજર રહ્યાં હતાં તો બીજી તરફ સાણંદમાં પણ તેઓ હાજરી આપી હતી. સાણંદમાં કનુભાઈ પટેલે ઉમેદાવારી નોંધાવી ત્યારે તેઓ હાજર રહ્યાં હતા અને અહીં વિરોધના ભણકાર પણ ચાલતા હતા છતા સમગ્ર બાબત થાળે પાડીને કનુભાઈ પટેલનો વિજય થયો છે.