BIG NEWS / મહારાષ્ટ્રમાં હાઈએલર્ટ: મોટી સંખ્યામાં શિવસૈનિકો રસ્તા પર ઉતરવાની આશંકા, પોલીસને સતર્ક રહેવા સૂચના

• મહારાષ્ટ્રમાં રાજકીય ધમાસાણ 
• એકનાથ શિંદેએ બળવો કરતા શિવસેના વેરવિખેર થઈ
• મહારાષ્ટ્રમાં હાઈએલર્ટ અપાયું

મહારાષ્ટ્રમાં વિધાન પરિષદ ચૂંટણી બાદથી ઊભો થયેલો રાજકીય ભૂકંપ હજૂ પણ શાંત થવાનું નામ નથી લેતો. સીએમ ઉદ્ધવ ઠાકરે અને બળવાખોર ધારાસભ્ય એકનાથ શિંદે એકબાજૂ પોતાની તાકાત બતાવામા લાગ્યા છે. આ તમામની વચ્ચે શુક્રવારે મહારાષ્ટ્ર પોલીસે રાજ્યના તમામ પોલીસ સ્ટેશનને હાઈએલર્ટ પર રહેવાના આદેશ આપ્યા છે. મુંબઈમાં પોલીસ પ્રશાસનને ખાસ કરીને સતર્ક રહેવાની વાત કહી છે.

Maharashtra | Poster of Shiv Sena MLA Dilip Lande, who is currently camping in Guwahati with rebel party leader Eknath Shinde, smeared with ink and a poster showing his picture torn in Mumbai pic.twitter.com/XXmfCacBAc

— ANI (@ANI) June 24, 2022

મહારાષ્ટ્રમાં હાલમાં પણ રાજકીય ધમાસાણ ચાલુ છે. ઉદ્ધવ સરકારનું ભવિષ્ય શું હશે, તે એક સૌથી મોટો સવાલ છે. કારણ કે પાર્ટીના કેટલાય ધારાસભ્યો એકનાથ શિંદેના ધડામાં જતાં રહ્યા છે. આ તમામની વચ્ચે પોલીસ પ્રશાસને રાજ્યના તમામ સ્ટેશનોને હાઈ એલર્ટ પર રાખ્યા છે. પોલીસને સૂચના મળી હતી કે, શિવ સૈનિકો મોટી સંખ્યામાં રસ્તા પર ઉતરી શકે છે. રાજ્યમાં કોઈ પણ પ્રકારની શાંતિ ભંગ ન થાય, તેના માટે પોલીસને સતર્ક રહેવા માટે કહેવામાં આવ્યું છે. 

#WATCH | Shiv Sena workers gather outside Matoshree (Thackeray residence) in Mumbai as a meeting between CM Uddhav Thackeray and NCP leaders, including party chief Sharad Pawar, gets underway. #MaharashtraCrisis pic.twitter.com/8CqYEumYTc

— ANI (@ANI) June 24, 2022

શિવસૈનિકો થયાં આકરા પાણીએ

આ અગાઉ એકનાથ શિંદે પાર્ટી સાથે બળવો કરવા વિરુદ્ધ ગુરૂવાર અને શુક્રવારે કેટલીય જગ્યા પર શિવસૈનિકોએ ભારે વિરોધ પ્રદર્શન કર્યું હતું. શુક્રવારે તો શિવસૈનિકોના આકરાં પાણી થયા હતા. શિવસૈનિકોના અમુક કાર્યકર્તાઓને નાશિકમાં એકનાથ શિંદેના પોસ્ટર પર કાળી શાહી લગાવી અને ફોટા પર ઈંડા પણ ફેંક્યા હતા.