કારમાં સવારી સલામત કરવા માટે નીતિન ગડકરીએ વધુ એક મોટા નિર્ણયને મંજૂરી આપી છે, જોકે આ નિર્ણયથી કારની કિંમતમાં પણ હજારો રૂપિયાનો વધારો નોંધાઈ શકે છે.
કારમાં બે સાઇડ એર બેગ અને બે બાજુના પડદા પણ લગાવવામાં આવશે
કારની કિંમત અને મોડલને તેની સાથે કોઈ લેવાદેવા નથી
ગાડીઓની કિંમતમાં થઈ શકે છે 10થી 12 હજારનો વધારો
અત્યારે દરેક કારમાં 2 એર બેગ છે ફરજિયાત
1 જાન્યુઆરી 2022થી દરેક કારમાં 2 એર બેગ છે ફરજિયાત
રોડ સેફ્ટીને વધુ સારી બનાવવા માટે કેન્દ્ર સરકારનો મોટો નિર્ણય
સરકારે રોડ સેફ્ટીને વધુ સુદ્રઢ બનાવવા માટે મોટો નિર્ણય લીધો છે. આ નિર્ણયથી પેસેન્જરને રસ્તા પર દોડતી દરેક કારમાં વધારાની સુરક્ષા મળશે. કેન્દ્રીય માર્ગ પરિવહન અને રાજમાર્ગ મંત્રી નીતિન ગડકરીએ ટ્વિટર પર આ માહિતી આપી છે.
વાહનોમાં 6 એરબેગ્સ રાખવી ફરજિયાત કરવાના નિર્ણયને મંજૂરી
રોડ સેફ્ટીને વધુ સારી બનાવવા માટે કેન્દ્ર સરકારે મહત્વનો નિર્ણય કર્યો છે. યાત્રીઓની સુરક્ષા માટે કારમાં 6 એરબેગ્સ રાખવી ફરજિયાત કરવામાં આવી છે. કેન્દ્રીય વાહનમંત્રી નીતિન ગડકરીએ ટ્વિટ કરીને આ મામલે જાણકારી આપી છે.
6 એરબેગ્સ ફરજિયાત બનાવવાના ડ્રાફ્ટ નોટિફિકેશનને મંજૂરી
નીતિન ગડકરીએ ટ્વીટ કર્યું કે તેમણે કારમાં 6 એરબેગ્સ ફરજિયાત બનાવવાના ડ્રાફ્ટ નોટિફિકેશનને મંજૂરી આપી દીધી છે. આ કારના તમામ સેગમેન્ટમાં મુસાફરોની સુરક્ષાને સુનિશ્ચિત કરશે. કારની કિંમત અને મોડલને તેની સાથે કોઈ લેવાદેવા નથી. આ ઉપરાંત તેમણે કહ્યું કે, આ નિર્ણય M1 શ્રેણીની કાર માટે લેવામાં આવ્યો છે. M1 કેટેગરીમાં 5 થી 8 સીટર કારનો સમાવેશ થાય છે. આ રીતે હવે તમામ મિડ-રેન્જ કારમાં પણ 6 એરબેગ ફરજિયાત હશે.
કેન્દ્રીય વાહનમંત્રી નીતિન ગડકરીએ ટ્વિટ કરી આપી જાણકારી
આ નવા નિર્ણય બાદ કારમાં બે સાઇડ એર બેગ અને બે બાજુના પડદા પણ લગાવવામાં આવશે, જે કારમાં પાછળ બેઠેલા મુસાફરોની સુરક્ષા પણ સુનિશ્ચિત કરશે. આપને જણાવી દઈએ કે,1 જાન્યુઆરી 2022થી દરેક કારમાં 2 એર બેગ ફરજિયાત છે. પંરતુ હવે તમામ કારમાં 6 એર બેગ ફરજિયાત કરવામાં આવી છે. ત્યારે આગામી સમયમાં કારની કિંમતમાં આશરે 10થી 12 હજારનો વધારો થવાની શક્યતા છે.
તમામ મિડ-રેન્જ કારમાં પણ 6 એરબેગ ફરજિયાત હશે
માર્ગ અકસ્માતમાં જીવ ગુમાવનારા લોકોની દ્રષ્ટિએ ભારત વિશ્વના ટોચના દેશોમાંનો એક છે. નીતિન ગડકરી તેને ઘટાડવા માટે અલગ-અલગ મંચ પરથી અનેકવાર હાંકલ કરી ચૂક્યા છે. સરકારના આ પગલાને તેની સાથે જોડીને જોઈ શકાય છે.