21 માર્ચે યોજાનાર આ બેઠકમાં તમામ સાંસદોને હાજર રહેવા સૂચના આપવામાં આવી, ભાજપ પ્રદેશ અધ્યક્ષ સી.આર.પાટીલની અધ્યક્ષતામાં યોજાશે બેઠક
દિલ્લીમાં ગુજરાતના તમામ સાંસદોની યોજાશે બેઠક
21 માર્ચે બેઠકમાં હાજર રહેવા સૂચના
ગરવી ગુજરાત ભવનમાં બેઠક મળશે
આગામી લોકસભા ચૂંટણી અંગે ચર્ચા થઇ શકે
કેટલાક સાંસદોને સોંપાઈ શકે છે જવાબદારી
લોકસભાની ચૂંટણીને લઈ ભાજપ હવે એક્શન મોડમાં આવી ગયું છે. વાત જાણે એમ છે કે, ગુજરાતના તમામ સાંસદોની આવતીકાલે દિલ્હીમાં એક બેઠક મળશે. જોકે આવતીકાલે એટલે કે 21 માર્ચે યોજાનાર આ બેઠકમાં તમામ સાંસદોને હાજર રહેવા સૂચના આપવામાં આવી છે. દિલ્હી ખાતે ગરવી ગુજરાત ભવનમાં યોજાનાર આ બેઠક ભાજપ પ્રદેશ અધ્યક્ષ સી.આર.પાટીલની અધ્યક્ષતામાં યોજાશે.
ગુજરાતના તમામ સાંસદોની આવતીકાલે દિલ્લીમાં બેઠક મળવાની છે. જેને લઈ તમામ સાંસદોને આ બેઠકમાં હાજર રહેવા સૂચન કરાયું છે. 21 માર્ચે એટલે કે કાલે સાંજે 4:30 વાગ્યે આ બેઠક દિલ્હી ગરવી ગુજરાત ભવનમાં યોજાશે. મહત્વનું છે કે, ભાજપ પ્રદેશ પ્રમુખ સી.આર. પાટીલની અધ્યક્ષતામાં મળનારી આ બેઠકમાં જે.પી.નડ્ડા, કેન્દ્રીય ગૃહમંત્રી અમિત શાહ હાજર રહેશે. આ સાથે વડાપ્રધાન નરેન્દ્ર મોદી પણ આ બેઠકમાં હાજર રહે તેવી શક્યતાઓ છે.
લોકસભા ચૂંટણીને લઇ ભાજપની કવાયત શરૂ
આવતીકાલે દિલ્હીમાં મળનારી તમામ સાંસદોની બેઠકમાં લોકસભા ચૂંટણીને લઈને ચર્ચા થાય તેવી શકયતા છે. આ સાથે કેટલાક સાંસદોને મહત્વપૂર્ણ જવાબદારીઓ સોંપાઈ શકે છે. મહત્વનું છે કે, લોકસભા ચૂંટણીને લઈને ભાજપે અત્યારથી કવાયત શરૂ કરી દીધી છે. આ સાથે વિવિધ કમિટીની કામગીરીનો સાંસદો દ્વારા ચિતાર લેવામાં આવશે.