કેન્દ્ર સરકારે આખરે ભારતથી આવતી અને જતી તમામ ઈન્ટરનેશનલ ફ્લાઈટ્સના ઉડાણની મંજૂરી આપી દીધી છે.
કેન્દ્ર સરકારનો મોટો નિર્ણય
27 માર્ચથી શરુ થશે તમામ ઈન્ટરનેશનલ ફ્લાઈટ
આરોગ્ય મંત્રાલયની ગાઈડલાઈન અનુસાર શરુ થશે ફ્લાઈટ
23 માર્ચ 2020થી તમામ ઈન્ટરનેશનલ ફ્લાઈટ બંધ હતી
હવાઈ પ્રવાસીઓને મળશે મોટી રાહત
નિયમિત આંતરરાષ્ટ્રીય ફ્લાઈટ ફરી વાર શરુ થવાની રાહ જોઈ રહેલા લોકો માટે સારા સમાચાર છે. ભારત સરકારે 27 માર્ચ 2022થી ભારતથી જતી અને બહારથી આવતી તમામ શિડ્યુઅલ કર્મશિયલ આંતરરાષ્ટ્રીય ફ્લાઈટ શરુ કરવાની લીલીઝંડી આપી દીધી છે. કેન્દ્ર સરકારના આ નિર્ણય બાદ હવે પહેલાની જેમ ઈન્ટરનેશનલ ફ્લાઈટની દુનિયા ધમધમી ઉઠશે. કોરોના મહામારીમાં 23 માર્ચ 2020ના દિવસે સરકારે તમામ ઈન્ટરનેશનલ ફ્લાઈટ્સ પર પ્રતિબંધ મૂકી દીધો હતો જોકે પાછળથી વંદે ભારત જેવી કેટલીક ફ્લાઈટ શરુ કરવામાં આવી હતી.
Govt of India has decided to resume scheduled commercial international passenger services to/from India from 27.03.2022. International operations shall be subject to strict adherence to Ministry of Health guidelines for international travel: Civil Aviation Ministry pic.twitter.com/3dfVgTbrm0
2 વર્ષ પછી સરકારે ઈન્ટરનેશનલ તમામ ફ્લાઈટ ઉડ્ડયનની આપી મંજૂરી
કેન્દ્રીય નાગરિક ઉડ્ડયન મંત્રાલય દ્વારા કરવામાં આવેલા ટ્વિટ અનુસાર, બે વર્ષના સમયગાળા બાદ 27 માર્ચ 2022ના દિવસથી તમામ શિડ્યુઅલ ઈન્ટરનેશનલ ફ્લાઈટ રાબેતા મુજબ શરુ કરી શકાશે.
Scheduled international flight services to resume from March 27 after two years: Aviation ministry officials
27 માર્ચથી તમામ ઈન્ટરનેશનલ ફ્લાઈટ શરુ કરવાની જાહેરાત કરતા નાગરિક ઉડ્ડયન મંત્રાલયે જણાવ્યું કે આ આંતરરાષ્ટ્રીય ફ્લાઇટ્સ માત્ર આરોગ્ય અને પરિવાર કલ્યાણ મંત્રાલય દ્વારા વિદેશી ફ્લાઇટ્સ માટે નિર્ધારિત માર્ગદર્શિકા અનુસાર જ કામ કરશે. આ અંગે ડિરેક્ટોરેટ જનરલ ઓફ સિવિલ એવિએશન (ડીજીસીએ) દ્વારા માર્ગદર્શિકા જારી કરવામાં આવી છે.
કોરોના મહામારીમાં 23 માર્ચ, 2020થી તમામ ઈન્ટરનેશનલ ફ્લાઈટ બંધ રખાઈ હતી
ઉલ્લેખનીય છે કે 23 માર્ચ 2020થી તમામ ઈન્ટરનેશનલ ફ્લાઈટ બંધ રાખવાની જાહેરાત કરાઈ હતી. 19 માર્ચ 2020ના રોજ પરિપત્ર જાહેર કરવામાં આવ્યો હતો. આ પછી, 28 ફેબ્રુઆરી, 2022 ના રોજ તાજેતરના પરિપત્ર હેઠળ, ભારતમાં અને ભારતમાંથી આવતી વાણિજ્યિક પેસેન્જર સેવાઓ આગામી આદેશ સુધી સ્થગિત કરવામાં આવી હતી.