હરિયાણા / અનિલ વિજ અને બનવારી લાલને છોડીને ખટ્ટર સરકારના તમામ મંત્રી ચૂંટણી હાર્યા

• હરિયાણા વિધાનસભા ચૂંટણીમાં બીજેપી બહુમતીથી દૂર રહી
• બીજેપીના તમામ દિગ્ગજોને હારનો સામનો કરવો પડ્યો
• રાજ્ય મંત્રી ડૉ. બનવારી લાલે બાવલ બેઠકથી જીત નોંધાવી

વિજ અને લાલને છોડીને તમામ મંત્રી હાર્યા

કેપ્ટન અભિમન્યુ (નારનૌન્દ) 

નારનૌન્દ વિધાનસભા બેઠક પરથી ખટ્ટર સરકારમાં નાણામંત્રી રહેલા કેપ્ટન અભિમન્યુને હારનો સામનો કરવો પડ્યો છે. તેમને જનનાયક જનતા પાર્ટીના રામકુમાર ગૌતમે 12029 મતોથી હરાવ્યા. 

ઓપી ધનકડ (બાદલી)

હરિયાણા સરકારમાં કેબિનેટ મંત્રી રહેલા ઓમ પ્રકાશ ધનકડને પણ હારનો સામનો કરવો પડ્યો. બાદલી વિધાનસભા બેઠકથી કોંગ્રેસના કુલદીપ વત્સે ધનકડને 11,245 વોટોના અંતરથી હાર આપી છે. 

રામ બિલાસ શર્મા (મહેન્દ્ર ગઢ)

હરિયાણા બીજેપીના કદાવર નેતા અને ખટ્ટર સરકારમાં શિક્ષા મંત્રી રહેલા રામ બિલાસ શર્મા પણ ચૂંટણી હાર્યા છે. મહેન્દ્રગઢમાં કોંગ્રેસના રાવ દાન સિંહે શર્માને 10,000થી વધારે વોટોના અંતરથી હરાવ્યા.

કવિતા જૈન (સોનીપત) 

ખટ્ટર સરકારમાં મહિલા અને બાળ વિકાસ મંત્રી રહેલા જૈન પણ પોતાની બેઠક બચાવી ન શક્યા. સોનીપત બેઠકથી કોંગ્રેસના સુરેન્દ્ર પવારને જૈને 32,878 વોટોથી મોટા અંતરે હરાવ્યા. 

કૃષ્ણ લાલ પવાર (ઇસરાના) 

ખટ્ટર સરકારમાં ટ્રાન્સપોર્ટ મિનિસ્ટર રહેલા કૃષ્ણ લાલ પવાર પણ પોતાની બેઠક બચાવી ન શક્યા. ઇસરાનાથી કોંગ્રેસના બલવીર સિંહે પવારને 20,015 મતોના મોટા અંતરથી હરાવ્યા હતા. 

મનીષ ગ્રોવર (રોહતક) 

ખટ્ટર સરકારમાં મંત્રી મનીષ ગ્રોવરને પણ રોહતકમાં હારનો સામનો કરવો પડ્યો છે. કોંગ્રેસના ભારત ભૂષણ બત્રાએ ગ્રોવરને 2735 મતોના અંતરથી હરાવ્યા.

કરણ દેવ કંબોજ (રાદોર) 

મંત્રી કરણ દેવ કંબોજ પણ રાદોરથી હાર્યા છે. એમણે કોંગ્રેસના બિશન લાલને 2541 વોટોના અંતરથી હરાવ્યા. 

બીજેપી પ્રદેશ અધ્યક્ષ સુભાષ બરાલા (તોહાના) 

હરિયાણા બીજેપીના અધ્યક્ષ સુભાષ બરાલા પણ પોતાની બેઠક બચાવી શક્યા નથી. તોહાનામાં તેમને જનનાયક જનતા પાર્ટીના દેવેન્દર સિંહ બબલીએ 52,302 વોટોના અંતરથી હરાવ્યા.