ઓલ ગુજરાત નર્સિંગ યુનિયને મુખ્યમંત્રી ભૂપેન્દ્ર પટેલને કોન્ટ્રાન્ક અને આઉટ સોસિંગ પદ્ધતિ બંધ કરવામાં આવે તેવી માંગ કરી છે સાથે ગ્રેડ પે, નવી સ્ટાફ ભરતી મુદ્દે પણ રજૂઆત કરી છે.
ઓલ ગુજરાત નર્સિંગ યુનિયન દ્વારા CMને રજૂઆત
કોન્ટ્રાક્ટ અને આઉટ સોર્સિંગ પદ્ધતિ બંધ કરવા રજૂઆત
અલગ અલગ 7 મુદ્દાઓ પર યુનિયને લખ્યો CMને પત્ર
રાજ્યમાં હાલ કોરોના કેસ ઘટ્યા છે, અને સંક્રમણ પણ ઓછું થયું છે, હવે પરિસ્થિતિ થાળે પડી રહી છે ત્યારે કોરોના કાળમાં ખડે પગે રહેનાર નર્સિંગ સ્ટાફની વિવિધા માંગેને લઈને આજે મુખ્યમંત્રીને પત્ર લખીને રજૂઆત કરવામાં આવી છે, આ પત્રમાં નર્સિંગ સ્ટાફની નવી ભરતી સહિત વિવિધ 7 મુદ્દાઓને લઈને પત્રમાં રજૂઆત કરવામાં આી છે.
કોન્ટ્રાક્ટ અને આઉટ સોર્સિંગ પદ્ધતિ બંધ કરવા રજૂઆત
ઓલ ગુજરાત નર્સિંગ યુનિયને મુખ્યમંત્રી ભૂપેન્દ્ર પટેલને કોન્ટ્રાન્ક અને આઉટ સોસિંગ પદ્ધતિ બંધ કરવામાં આવે તેવી માંગ કરી છે અને સાથે જ નર્સિંગ સ્ટાફને 20 હજારનો પગલા ચૂકવવામાં આવે તેવી રજૂઆત કરાઈ છે. યુનિયન દ્વારા નર્સિંગ સ્ટાફને મળતા 2800ના ગ્રેડ પેમાં વધારો કરી નવા સ્ટાફ નર્સની ભરતી કરવામાં આવે તેવી પણ મુખ્યમંત્રીને રજૂઆત કરી છે. આ ઉપરાંત નરસિંગ એલાઉન્સ આપવામાં આવે તેવી પણ માંગ કરાઈ છે.
અલગ અલગ 7 મુદ્દાઓ પર યુનિયને લખ્યો CMને પત્ર
મહત્વનું છે કે આઉટ સોર્સિગથી કર્મચારીઓનું જે શોષણ થઈ રહ્યું છે તે બાબતે પણ રજૂઆત કરી હતી. બે વર્ષથી નર્સિંગ યુનિયન સરકારને રજૂઆત કરતું આવ્યું છે પરતું હજુ સુધી કોઈ માંગ સ્વીકારાઈ નથી, આઉટ સોર્સિંગ કરતી કંપનીઓ નર્સિંગ કર્મચારીઓને મળવાપાત્ર પગારને બદલે ઓછો પગાર ચુકવીને તેમનું શોષણ કરતી હોય છે. નર્સિંગ યુનિયને કોમ્યુનિટી હેલ્થ અધિકારીઓની ભરતી કરવા સહિત નર્સિંગ કરતા વિદ્યાર્થીઓનું સ્ટાઈપેન્ડ વધારવામાં આવે તેવી પણ CMને રજૂઆત કરી છે. આમ વિવિધ 7 મુદ્દાઓને લઈને આજે ઓલ ગુજરાત નર્સિંગ યુનિયન દ્વારા મુખ્યમંત્રી ભૂપેન્દ્ર પટેલને પત્ર લખી રજૂઆત કરવામાં આવી છે.