હરિયાણામાં 10 ડિસેમ્બર સુધી શાળાઓ બંધ રાખવામાં આવી હતી. દરેક સરકારી અને પ્રાઈવેટ શાળાઓ 11 ડિસેમ્બરથી એટલે કે આવતીકાલથી ફરીથી ખૂલશે. સ્વાસ્થ્ય વિભાગે આ વિષે શિક્ષા નિર્દેશાલયને ગાઈડલાઈન્સ જાહેર કરી છે. તેમાં સોશ્યલ ડિસ્ટન્સિંગની સાથે અન્ય નિયમોનું પાલન કરવાનું જરૂરી છે. કોઈ પણ લક્ષણ વાળા શિક્ષકો કે બાળકોનો ટેસ્ટ કરાવવાનો જરૂરી રહેશે. પહેલાં જ્યારે 21 સપ્ટેમ્બરે શાળાઓ ખૂલી ત્યારે બાળકો અને શિક્ષકો સંક્રમિત થતાં બંધ કરવી પડી હતી.
હરિયાણામાં આવતીકાલથી ખૂલશે શાળાઓ
સ્વાસ્થ્ય વિભાગે જાહેર કરી ગાઈડલાઈન્સ
કોઈ પણ લક્ષણ વાળા શિક્ષકો કે બાળકોનો ટેસ્ટ કરાવવાનો જરૂરી
મળતી માહિતી અનુસાર સ્કૂલ શિક્ષા નિર્દેશાલયની તરફથી આ બાબતે 30 નવેમ્બરે એક આદેશ જાહેર કરાયો હતો. સરકારે કોરોનાની સ્થિતિને ધ્યાનમાં રાખીને 101 ડિસેમ્બર સુધી શાળાઓ બંધ રાખી હતી. આ પહેલાં સરકારે 20 નવેમ્બર સુધી શાળાઓ બંધ રાખવાનો આદેશ આપ્યો હતો અને પછી તેને 30 નવેમ્બર સુધી લંબાવાયો હતો. સોમવારે સ્કૂલ બંધ રાખવાની તારીખ વધારી દેવાઈ હતી. નવા આદેશ અનુસાર આવતીકાલથી ગાઈડલાઈન્સને ધ્યાનમાં રાખીને શાળાઓ ખૂલશે.
21 સપ્ટેમ્બરથી ખોલવામાં આવી હતી શાળાઓ
ઉલ્લેખનીય છે કે રાજ્યમાં 21 સપ્ટેમ્બરથી શાળાઓ ખોલવામાં આવી હતી. તેમાં ધોરણ 9-12નો સમાવેશ કરાયો હતો. પણ નવેમ્બર મહિનામાં કોરોનાના દર્દીઓની સંખ્યામાં વધારો થયો જેના કારણે રાજ્યના વિવિધ જિલ્લામાં સતત શાળાઓમાંથી શિક્ષકો અને વિદ્યાર્થીઓ સંક્રમિત થયા હોવાનું સામે આવ્યું. આ પછી સરકારે 20 નવેમ્બરે શાળાઓ બંધ કરવાના આદેશ આપ્યા હતા.