આદેશ / AGR મામલે ખોટા રિપોર્ટિંગથી SC નારાજ, કહ્યું - ટેલિકોમ કંપનીએ આપવા પડશે રૂપિયા

• સુપ્રીમનો આદેશ- રકમનું પૂનર્મૂલ્યાકન નહીં
• કેન્દ્રની અરજી પર આવતા અઠવાડિયે સુનાવણી

સુનાવણી દરમિયાન જસ્ટિસ અરૂણ મિશ્રાએ કહ્યું કે આ મામલે જો ખોટી રિપોર્ટિંગ થઇ રહી છે તો અમે મીડિયા સંસ્થાઓને નોટીસ જારી કરીશું. કોર્ટે જણાવ્યું કે બાકી રહેલ રકમની પૂનર્મુલ્યાંકન કરવામાં આવશે નહીં. સુપ્રીમ કોર્ટેના આદેશ અનુસાર ટેલીકોમ કંપનીઓએ ચૂકવણી કરવામાં આવશે. 

 

ચૂકવણ અંગેની સમયમર્યાદ પર થશે સુનાવણી

હવે સુપ્રીમ કોર્ટ કેન્દ્ર સરકારની અરજી પર આવતા અઠવાડિયે સુનાવણી કરશે. આ દરમિયાન ચૂકવણીની સમયમર્યાદા નક્કી કરવામાં આવશે. ટેલીકોમ વિભાગે સુપ્રીમ કોર્ટે અંદાજે 1.47 લાખ કરોડ રૂપિયા એડજેસ્ટેડ ગ્રોસ રેવેન્યુ (AGR) બાકી રહેલી રકમ માટે 20 વર્ષના સમયની મંજૂરી દેવાની માગ કરી. 

 

શુ છે સરકારની દલીલ

ટેલિકોમ વિભાગ દ્વારા જણાવાયું કે ટેલિકોમ કંપનીના પ્રતિકૂળ કામકાજની અર્થવ્યવસ્થા અને દેશભરના ગ્રાહકો પર તેની નકારાત્મક અસર જોવા મળી શકે છે. અરજીમાં જણાવાયું છે કે કોર્ટના નિર્ણય (ઓક્ટોબર-2019) પ્રભાવિત બધા લાયસન્સધારકોના બાકી રહેલી રકમ માટે 20 વર્ષના વાર્ષિક હપ્તા દ્વારા ચૂકવણી કરવાની મંજૂરી આપવામાં આવે. 

બાકી રહેલી રકમ પર 8 ટકા વ્યાજ

ડીઓટી એમ પણ જણાવ્યું કે કોર્ટેના આદેશની તારીખ બાદ મૂળરકમ તેમજ દંડ પર વ્યાજ નહીં લાગે, પરંતુ બાકી રહેલી રકમ પર8 ટકા વ્યાજ સાથે સરકારને ચૂકવણી થવી જોઇએ.