નવા વર્ષની શરૂઆત થઇ ગઇ છે, તમામ લોકો નવા વર્ષને વધાવવા માટે કોઇએ કોઇ તૈયારીઓ કરી ચૂક્યા છે. એવામાં ઘણા સેલિબ્રેટીઝ ક્રિસમસના દિવસથી જ હોલિડેના મૂડમાં આવી ગયા હતા, અને ફોરેનમાં વેકેશન કરવા માટે પહોંચી ગયા છે.
જી હા, સૈફ અલી ખાન-કરિના કપૂર પોતાના દિકરા તૈમૂરની સાથે, ટીમ ઇન્ડિયાનો કેપ્ટન વિરાટ કોહલી પોતાની એક્ટ્રેસ પત્ની અનુષ્કા સાથે અને બોલિવુડ એક્ટર વરૂણ ધવન અને ગર્લફ્રેન્ડ નતાશા દલાલ પણ સ્વિત્ઝરલેન્ડમાં છે. આ સેલેબ્સના ફોટોઝ અને વીડિયોઝ સોશ્યલ મીડિયા પર વાયરલ થઇ રહ્યા છે.
આ સેલેબ્સે સાથે મળીને ન્યૂ યરનુ વેલકમ કર્યુ છે. અનુષ્કા શર્મા- વિરાટ કોહલી, સૈફ-કરિના અને વરૂણ-ધવન સાથે મળીને ન્યૂ યર સેલિબ્રેટ કરતા જોવા મળ્યા છે .અનુષ્કાએ પોતાના ઑફિશ્યલ સોશ્યલ મીડિયા એકાઉન્ટ પર ફોટો શૅર કર્યો છે જેમાં અનુષ્કા સૈફની સાથે જ્યારે કરિના વિરાટ સાથે જોવા મળી રહ્યા છે. આ ફોટોમાં વરૂણ અને નતાશા પણ છે. આ સિવાય અનુષ્કાએ પોતાના ઇન્સ્ટાગ્રામ સ્ટોરીમાં વીડિયો શૅર કરીને બધાને ન્યૂયર વિશ કર્યુ છે.
તો બીજી તરફ કરિનાના ફેન પરથી એક ફોટો વાયરલ થઇ રહ્યો છે જેમાં તૈમૂર પણ પોતાના મમ્મી-પપ્પા સાથે જોવા મળી રહ્યો છે. બ્લેક ટક્સીડોમાં સૈફ હેન્ડસમ લાગી રહ્યો છે તો કરિના વ્હાઇટ ગાઉનમાં જોવા મળી રહી છે.
બોલિવુડના મહાનાયક અમિતાભ બચ્ચને પણ પત્ની જયા બચ્ચન, શ્વેતા બચ્ચનના બાળકો તથા ઐશ્વર્યા અભિષેકની દિકરી અરાધ્યાની સાથે ફોટો શૅર કરીને નવા વર્ષની શુભકામનાઓ આપી છે.
બોલિવુડ એક્ટર સોનમ કપૂર પણ ન્યૂયર સેલિબ્રેશન માટે ઇટાલી પહોંચી હતી. સોનમે પોતાના ઇન્સ્ટાગ્રામ એકાઉન્ટ પર 2019 ને બાય બાય કહેતી પોસ્ટ મૂકી છે અને પતિ સાથે કિસ કરતો વીડિયો પોસ્ટ કર્યો છે.
આ સિવાય બોલિવુડમાં ડેબ્યૂ કરતાની સાથે જ ચર્ચામાં આવનારી સારા અલી ખાને હંમેશાંની જેમ જ એકદમ અલગ અંદાજમાં શુભકામનાઓ આપી છે. સારાએ પોતાના વેકેશન દરમ્યાન લીધેલ ફોટો સાથે ફેન્સને ન્યૂ યર વિશ કર્યું છે. આ બધા ફોટો તેણે મંદિર, ગુરુદ્વારા, ચર્ચ અને મસ્જિદની બહાર પડાવ્યા છે.
બૉલિવૂડની બોલ્ડ ગર્લ અને ફિટનેસ ફીક્ર મલાઇકા અરોરા હાલ ગોવામાં મિત્રો સાથે ચિલ આઉટ કરી રહી છે. જેના ફોટોઝ અને વીડિયોઝ તેણે સોશ્યલ મીડિયા પર શેર કર્યા છે. મલાઇકાએ ગોવામાં 2020નું સ્વાગત કર્યું હતુ. અને ફ્રેન્ડ્સ સાથે હાઉસપાર્ટી કરી હતી. જેની સાથે તેની બહેન મલાઇકા અરોરા પણ હતી