કેમ છો ટ્રમ્પ! / જાણો, ટ્રમ્પ ગુજરાત આવવાના છે ત્યારે અમેરિકામાં વસતા ગુજરાતીઓ શું કહે છે

• મહાનાયકના સ્વાગત માટે તૈયાર ગુજરાત 
• દુલ્હનની જેમ સજી રહ્યું છે મોટેરા
• ગુજરાતીઓ પૂછશે `કેમ છો ટ્રમ્પ' 

જોકો આવી રીતે બંને મહાનાયકની એટલે કે પ્રધાનમંત્રી મોદી અને ડોનાલ્ડ ટ્રમ્પની મુલાકાત થવાની હોય. સ્વાગમાં ભવ્ય કાર્યક્રમની તૈયારીઓ થઈ રહી હોય ત્યારે સ્વાભાવિક છે કે, અમેરિકામાં વસતા ગુજરાતીઓમાં પણ ભારે ઉત્સાહ જોવા મળવાનો જ. 

પ્રધાનમંત્રી મોદીના આમંત્રણનો કર્યો સ્વીકાર 

આ ઉત્સાહ તો રહેવાનો જ કારણ કે, ટ્રમ્પની આ મુલાકાત અમેરિકામાં વસતા ગુજરાતીઓને પોતાના તરફી આકર્ષવા માટે હોય તેવા સ્પષ્ટ સંકેત છે. જોકે એ અંદાજો અહીં નહોતો કે, પ્રધાનમંત્રી મોદીએ પોતાના અમેરિકાના પ્રવાસ દરમિયાન ટ્રમ્પને આપેલું આમંત્રણ આટલું જલ્દી સ્વિકારાઈ જશે અને બંને નેતાઓ વચ્ચે ગુજરાતમાં મુલાકાત યોજાશે.  

હું ભારત મુલાકાતની કાગડોળે રાહ જોઈ રહ્યો છે : ટ્રમ્પ

જોકો બીજી તરફ ટ્રમ્પે પોતાના પ્રવાસ પહેલા આજે પ્રધાનમંત્રી મોદી સાથે પણ ટેલિફોનીક વાત કરી હતી. સાથે જ અમેરિકા મીડિયા સાથે વાત કરતા એવું પણ કહ્યું કો, હું ભારત મુલાકાતની કાગડોળે રાહ જોઈ રહ્યો છે.   

શું રહેશે ટ્રમ્પનો કાર્યક્રમ

અહીં એક વાત તો નક્કી છે કે, આગામી 24મી તારીખે અમદાવાદમાં દિવાળી જેવો માહોલ હશે. જોકે ટ્રમ્પની આ મુલાકાત અને તેના કાર્યક્રમ અંગે વાત કરીએ તો સૌથી પહેલા અમદાવાદ એરપોર્ટ ખાતે ભવ્ય સ્વાગત કરાશે. જે બાદ ત્યાંથી ટ્રમ્પ ગાંધી આશ્રમની મુલાકાત લેશે. ત્યારબાદ મોટેરા સ્ટેડિયમમાં આયોજીત કેમ છો ટ્રમ્પ કાર્યક્રમમાં પહોંચશે. જ્યાં લાખોની જનમેદની ટ્રમ્પનું સ્વાગત કરશે. આ કાર્યક્રમ બાદ ટ્રમ્પ સ્ટેચ્યૂ ઓફ યુનિટીની પણ મુલાકાત લશે અને કેવડિયાની સુંદરતાને માણશે. જોકે આ તો કાર્યક્રમ છે. પરંતુ અત્યારથી જ થઈ રહેલી તૈયારીઓ દર્શાવે છે કે, ટ્રમ્પ મોદીની મુલાકાત ઐતિહાસિક બનવા જઈ રહી છે. જેની વિશ્વ પણ નોંધ લેશે..