છૂટકારો / ઇરાની તેલ ટેન્કર પર સવાર 24 ભારતીયો 40 દિવસે થયા મુક્ત, બ્રિટને બનાવ્યા હતા બંધક

એમણે બ્રિટેન તરફથી કબ્જામાં લેવામાં આવેલા ઇરાની તેલ ટેન્કરથી 24 ભારતીયોને છોડવાની પુષ્ટી કરી છે.' બ્રિટેને ઇરાની તેલ ટેન્કર વીએલસીસી ગ્રેસ 1ને સીરિયાને તેલની શંકાસ્પદ તસ્કરીના આરોપમાં પકડ્યું હતું. બ્રિટેને કહ્યું હતું કે એવું કરવું ઇરાન પર લગાવેલ યૂરોપિયન યૂનિયનના પ્રતિબંધો વિરુદ્ધ છે. ભલે ભારતીયોને મુક્ત કરાવાયા હોય, પરંતુ તેલ ટેન્કર હજુ બ્રિટેનના કબજા હેઠળ છે. 

4 જુલાઇે બ્રિટિશ નેવીએ સીરિયા જઇ રહેલા ઇરાની તેલ ટેન્કર ગ્રેસ વન પકડ્યું હતુ. પકડાયેલા તેલ ટેન્કરમાં સવાર તમામ 24 ભારતીય ચાલક દળના સભ્યો હતા. બ્રિટિશ નેવીની કાર્યવાહીના જવાબમાં ઇરાને પણ બ્રિટેનના એક તેલ ટેન્કરને કબજેમાં લીધું હતું. તેમા 18 લોકો સવાર હતા. જોકે, ઇરાને બ્રિટેનના તેલ ટેન્કરને કેટલાક દિવસો બાદ મૂક્ત કર્યા હતા.